ലോകത്തിലെ ഏറ്റവും വലിയ ഇലക്ട്രിക് വാഹന (EV) നിർമാതാക്കളായ ഇലോൺ മസ്കിൻ്റെ ടെസ്‌ലയെ മറികടക്കാൻ ചൈനയുടെ BYD ഒരുങ്ങുന്നു. വാർഷിക വിൽപനയിൽ അമേരിക്കൻ എതിരാളിയായ ടെസ്‌ലയെ ബിവൈഡി ആദ്യമായി പിന്നിലാക്കിയെന്നാണ് ബിബിസി റിപ്പോർട്ടു ചെയ്യുന്നത്.

To advertise here,

BYD അറിയിച്ചതനുസരിച്ച്, കഴിഞ്ഞ വർഷം അവരുടെ ബാറ്ററിയിൽ പ്രവർത്തിക്കുന്ന കാറുകളുടെ വിൽപന ഏകദേശം 28 ശതമാനം വർധിച്ച് 2.25 ദശലക്ഷത്തിൽ കൂടുതലായി എന്നാണ്. അതേസമയം, 2025-ലെ മൊത്തം വിൽപന ടെസ്‌ല വെളിപ്പെടുത്താനിരിക്കുന്നതേയുള്ളൂ. എന്നാൽ കഴിഞ്ഞ ആഴ്ച പുറത്തുവിട്ട വിശകലന വിദഗ്ധരുടെ കണക്കനുസരിച്ച് 2025-ൽ ഏകദേശം 1.65 ദശലക്ഷം വാഹനങ്ങൾ വിറ്റഴിച്ചെന്നാണ് കമ്പനി സൂചിപ്പിക്കുന്നത്.

പുതിയ മോഡലുകളോടുള്ള സമ്മിശ്ര പ്രതികരണം, മസ്കിൻ്റെ രാഷ്ട്രീയ പ്രവർത്തനങ്ങളുമായി ബന്ധപ്പെട്ട പ്രശ്നങ്ങൾ, ചൈനീസ് എതിരാളികളിൽ നിന്നുള്ള വർധിച്ചുവരുന്ന മത്സരം എന്നിവ കാരണം ടെസ്‌ലയെ സംബന്ധിച്ച് 2025 ദുഷ്കരമായ വർഷമായിരുന്നു. Geely, MG, BYD തുടങ്ങിയ ചൈനീസ് കമ്പനികൾ ഇപ്പോൾ രാജ്യത്തെ ഏറ്റവും വലിയ ഇലക്ട്രിക് കാർ നിർമാതാക്കളാണ്.

നിലവിലുള്ള ബ്രാൻഡുകളെക്കാൾ കുറഞ്ഞ വിലയ്ക്ക് വാഹനങ്ങൾ വിറ്റ് പാശ്ചാത്യ എതിരാളികൾക്ക് മേൽ ഇവ സമ്മർദ്ദം ചെലുത്തുന്നുമുണ്ട്. അതേസമയം, ഒക്ടോബറിൽ വിൽപന വർധിപ്പിക്കുന്നതിനായി ടെസ്‌ല തങ്ങളുടെ ഏറ്റവും കൂടുതൽ വിറ്റഴിക്കപ്പെടുന്ന രണ്ട് മോഡലുകളുടെ കുറഞ്ഞ വിലയിലുള്ള പതിപ്പുകൾ പുറത്തിറക്കിയിരുന്നു. എന്നാൽ ഇത് വേണ്ടത്ര വിജയം കണ്ടില്ല.

യുഎസ് പ്രസിഡൻ്റ് ഡോണാൾഡ് ട്രംപിൻ്റെ ഭരണത്തിൽ മസ്കിൻ്റെ പങ്കിനെതിരെയുണ്ടായ തിരിച്ചടിയെത്തുടർന്ന് 2025ലെ ആദ്യ മൂന്നു മാസങ്ങളിൽ ടെസ്‌ലയുടെ വിൽപന കുറഞ്ഞിരുന്നു. ടെസ്‌ല കൂടാതെ, ഇലോൺ മസ്കിൻ്റെ ബിസിനസിൽ സോഷ്യൽ മീഡിയ പ്ലാറ്റ്ഫോമായ X, റോക്കറ്റ് കമ്പനിയായ SpaceX, തുരങ്കങ്ങൾ നിർമിക്കുന്ന Boring Company എന്നിവയും ഉൾപ്പെടുന്നു. ഈ പ്രതിബദ്ധതകൾക്കൊപ്പം ട്രംപിൻ്റെ ഗവൺമെൻ്റ് എഫിഷ്യൻസി ഡിപ്പാർട്ട്മെൻ്റിന്റെ (Doge) ഭാഗമായതും കാരണം മസ്ക് ടെസ്ലയിൽ വേണ്ടത്ര ശ്രദ്ധ കേന്ദ്രീകരിക്കുന്നില്ലെന്നാണ് ചില നിക്ഷേപകർ ചൂണ്ടിക്കാട്ടുന്നത്.