ചെറിയ വേദനപോലും ഹൃദ്രോഗത്തിന്റേതെന്ന് കരുതും, മുഴ കാൻസറിന്റേതെന്നും; തിരിച്ചറിയണം ഈ അവസ്ഥ

ഒരു കാൽ നൂറ്റാണ്ട്​ മുമ്പുനടന്ന സംഭവമാണ്​. രാത്രി അസമയത്ത്​ ഒരാൾ ഫോണിൽ വിളിക്കുന്നു. എൻറെ അടുത്ത സുഹൃത്തായ യുവതിയുടെ പ്രായമായ പിതാവാണ്​. പരിഭ്രാന്തിയോടെയാണ്​ അദ്ദേഹം സംസാരിച്ചത്​. മകൾ നഗരത്തിലെ ഒരു പ്രമുഖ സ്വകാര്യ ആശുപത്രിയിലെ ‘കാർഡിയാക്​ ഐ.സി.യു’ വിലാണ്.​ പൊതുവെ ടെൻഷൻ കൂടുതലുള്ള അദ്ദേഹത്തിന്റെ സ്വരം വല്ലാത്ത ഉത്​കണ്ഠയും സങ്കടവുംകൊണ്ട്​ ഇടറിയിരുന്നു. 

ഈ വിവരം കേട്ട എനിക്ക്​ പക്ഷെ, വലിയ ഭയമോ പരിഭ്രമമോ ഒന്നും തോന്നിയില്ല. അതിന്​ കാരണം കഴിഞ്ഞ ഏതാനും ദിവസങ്ങളിലായി യുവതി ഫോണിൽ സംസാരിക്കുമ്പോൾ അവൾ നേരിടുന്ന ചില പ്രശ്നങ്ങളെക്കുറിച്ച്​ എന്നോട്​ സൂചിപ്പിച്ചിരുന്നു. അവൾക്ക്​ ഈയിടെയായി അസാധാരണമായ ഒരുതരം നെഞ്ചിടിപ്പും ഭയവും അനുഭവപ്പെടുന്നതിനെക്കുറിച്ചായിരുന്നു അത്​. വളരെ അടുത്ത സുഹൃത്തുക്കളെ ചികിത്സിക്കുമ്പോഴുണ്ടാവുന്ന പ്രശ്നങ്ങളും പരിമിതികളും അറിയുന്നതുകൊണ്ട്​ ഞാനവളോട്​ മറ്റൊരു മനോരോഗ വിദഗ്​ധനെ സമീപിക്കാൻ ഉപദേശിക്കുകയാണ്​ ചെയ്തത്​. അതിന്​ പുറമെ മകളെ ഒരു സൈക്യാട്രിസ്റ്റിനെ കാണിക്കണമെന്ന്​ അവളുടെ പിതാവിനോട്​ പറയുകയും ചെയ്തു. അപ്പോഴാവട്ടെ ‘എൻറെ മകൾക്ക്​ മാനസികരോഗമൊന്നുമില്ല’ എന്നായിരുന്നു അദ്ദേഹത്തിന്റെ മറുപടി. 

Content Highlights: Understanding panic disorder: symptoms, causes, and effective treatment options