എപ്പോഴും സങ്കടപ്പെട്ടിരിക്കുക, അമിതമായ ആവലാതിയും ദേഷ്യവും: ആരംഭത്തില് പ്രതിരോധിക്കാം ഡിമെന്ഷ്യയെ
ആധുനിക വൈദ്യശാസ്ത്രരംഗത്തുണ്ടായ പുരോഗതികള്ക്ക് മനുഷ്യരുടെ ആയുര്ദൈര്ഘ്യം നല്ലതോതില് വര്ധിപ്പിക്കാന് കഴിഞ്ഞെങ്കിലും അതോടൊപ്പം ഉയര്ന്നുവന്ന ഒരു വെല്ലുവിളിയാണ് വാര്ധക്യ സംബന്ധമായ രോഗങ്ങള്. ഇതില് വളരെ പ്രധാനപ്പെട്ട ഒന്നാണ് ''ഡിമെന്ഷ്യ'' അഥവാ മറവിരോഗം. 60-65 വയസ്സിനുശേഷം മസ്തിഷ്കത്തിലെ നാഡീകോശങ്ങളില് സംഭവിക്കുന്ന അപചയങ്ങളുടെ ഭാഗമായാണ് പൊതുവില് മറവിരോഗങ്ങള് കണ്ടുവരുന്നതെങ്കിലും ഡിമെന്ഷ്യ പലതരത്തില് പ്രത്യക്ഷപ്പെടാറുണ്ട്. പ്രായമേറുന്നതിനനുസരിച്ച് ചെറിയ തോതില് കണ്ടുവരുന്ന ഓര്മക്കുറവുകളെ അപേക്ഷിച്ച് ദൈനംദിന ജീവിതത്തെ താളംതെറ്റിക്കുന്ന രീതിയില് ഈ ഓര്മ്മപ്പിശക് വൃക്തിയെ ബാധിച്ചുതുടങ്ങുമ്പോഴാണ് അതിനെ ''മറവിരോഗം'' എന്ന ഗണത്തില് ഉള്പ്പെടുത്തുന്നത്. ലോകാരോഗ്യ സംഘടനയുടെ കണക്കുകള് പ്രകാരം നിലവില് ആഗോളതലത്തില് 55 ദശലക്ഷം ആളുകളെ ബാധിച്ചിട്ടുുള്ള ഈ രോഗം 2030 ആകുമ്പോഴേക്കും 78 ദശലക്ഷവും 2050 ആകുമ്പോള് 137 ദശലക്ഷവുമായി ഉയരുമെന്നാണ് മുന്നറിയിപ്പ്.
ഭൂരിഭാഗം പേരിലും മറവിരോഗം പൂര്ണ്ണമായി ചികിത്സിച്ച് മാറ്റാന് കഴിയാറില്ല, എന്നുമാത്രമല്ല ക്രമേണ വര്ഷങ്ങള് കഴിയുന്നതോടെ രോഗം മൂര്ച്ചിച്ച് ജീവിതത്തിലെ ദൈനംദിന കാര്യങ്ങള് പോലും ചെയ്യാനാവാതെ മരണത്തിന് കീഴടങ്ങേണ്ടിവരികയും ചെയുന്നു. മസ്തിഷ്കം ഉപയോഗിച്ചുള്ള പ്രവര്ത്തനങ്ങള് ചെയ്യുന്നവരെ അപേക്ഷിച്ച്, അവ ചെയ്യാത്തവരില് മറവിരോഗം വരാനുള്ള സാധ്യത കൂടുതലാണ്. ഉദാഹരണത്തിന് എഴുത്ത്, വായന, കലാകായിക പ്രവര്ത്തനങ്ങള്, വിനോദങ്ങള് എന്നിവയില്നിന്നെല്ലാം വിട്ടുനില്ക്കുന്നവര്ക്ക് രോഗസാധ്യത കൂടുതലാണ്.
Content Highlights: symptoms causes treatment of dementia