'ബാര്ബര് ഷോപ്പില് പോയാല് കഴുത്തില് കുടുക്കിയിടുന്ന ഗൗണിനെപ്പോലും പേടിക്കുന്നവര്'
പണ്ട് മെഡിക്കല് കോളേജില് പഠിക്കുന്ന കാലത്ത് രണ്ടാഴ്ചയാണ് സൈക്കിയാട്രി ഒ.പിയില് പോസ്റ്റിങ്. ഞങ്ങള് കുട്ടി ഡോക്ടര്മാര് കൂടി തിങ്ങിനിറഞ്ഞു നില്ക്കുന്ന ഒ.പിയിലേക്ക് വരുന്ന രോഗികളോട് പ്രൊഫസര് അവരുടെ പ്രശ്നങ്ങള് പറയാന് ആവശ്യപ്പെടുമ്പോള് ചിലര് കൂസലില്ലാതെ സംസാരിച്ചു തുടങ്ങും. എന്നാല് വലിയൊരു വിഭാഗവും ഇത്രയും ആര്ക്കാരെ കാണുമ്പോള് രഹസ്യമായി പറയാന് പറ്റാതെ കഷ്ടപ്പെടുന്നതു കാണാം. അപ്പോള് പ്രൊഫസര് കുഞ്ഞാമന് ശബ്ദമുയര്ത്തി ചോദിക്കും. വന്ന രോഗിയുടെ പേര് അബ്ദു എന്നാണെങ്കില് അദ്ദേഹത്തിന്റെ ചോദ്യമിങ്ങനെയായിരിക്കും.
'അബ്ദു, അബ്ദുവിന് മാനസിക രോഗമാണെന്ന് ഞാന് പറഞ്ഞാല് അബ്ദു അംഗീകരിക്കുന്നുണ്ടോ അബ്ദു?'' പല തവണ ചോദ്യത്തില് രോഗിയുടെ പേര് ചേര്ത്തുവെച്ചു പറയുന്നതോടെ അദ്ദേഹത്തിന് ഒഴിഞ്ഞുമാറാന് പറ്റാത്ത തരത്തില് ചോദ്യം വരിഞ്ഞു മുറുകി കഴിയും. മിക്കവാറും ആള്ക്കാര് മാനസിക രോഗമുണ്ടെന്ന് സമ്മതിച്ചു തരാറില്ല. പ്രൊഫസറുടെ ചോദ്യം ക്രൂരമായി തോന്നുമ്പോഴും അദ്ദേഹത്തിന്റെ അടുത്ത പ്രസ്താവന കാര്യമാത്രപ്രസക്തമാണെന്ന് തോന്നി. 'എന്ന് പനിയും ചുമയും പോലെ ഉത്കണ്ഠയും ഡിപ്രഷനും ഒരു രോഗമായി അംഗീകരിക്കുന്നുവോ അന്ന് ചികിത്സ നടത്താം.''
Content Highlights: importanace of mental health and treatment