കണ്ണൂർ കോട്ടയിലെ കൂട്ടബലാത്സംഗം; സ്ത്രീകൾ നടത്തിയ അടുക്കളപ്പണിമുടക്ക് സമരം | Half The Sky
ഒരു ഗ്രാമത്തിലെ സ്ത്രീകള്‍ ഒന്നSങ്കം തങ്ങളുടെ സഹപ്രവര്‍ത്തകയുടെ നീതിക്കുവേണ്ടി അടുക്കളപ്പണിമുടക്ക് നടത്തിയ ഒരു ചരിത്രം കേരളത്തിനുണ്ട്. 1996 ഓഗസ്റ്റ് II-ന് ഒരു ഞായറാഴ്ചയാണ് കാസര്‍കോട് ജില്ലയുടെ മലയോര മേഖലയായ ഈസ്റ്റ് എളേരി പഞ്ചായത്തിലെ കൊല്ലാട അത്തരമൊരു സമരത്തിന് വേദിയായത്.
1993-ലാണ് കോട്ട സംഭവം എന്നറിയപ്പെട്ട കണ്ണൂര്‍ കോട്ട കൂട്ടബലാത്സംഗം നടന്നത്. ഭര്‍ത്താവിനോടൊപ്പം കണ്ണൂര്‍ കോട്ട കാണാന്‍ പോയ യുവതിയെ ഭര്‍ത്താവിനെ തടഞ്ഞുവെച്ച് നാലുപേര്‍ ചേര്‍ന്ന് ബലാത്സംഗം ചെയ്തു എന്നായിരുന്നു പത്രവാര്‍ത്ത. സര്‍ക്കാരിന്റെ നിയന്ത്രണത്തിലുള്ള ഒരു പൊതു ഇടത്തില്‍, അതും ഭര്‍ത്താവിന്റെ കണ്‍മുന്നില്‍ നടന്ന ബലാത്സംഗം ഒരു സാധാരണ ബലാത്സംഗവാര്‍ത്തയായി റിപ്പോര്‍ട്ട് ചെയ്യപ്പെട്ടു. ഭര്‍ത്താവിനോടൊപ്പം അയാളുടെ ജോലിസ്ഥലമായ ബെംഗളൂരുവിലേയ്ക്ക് പോകാന്‍ ഇറങ്ങിയ സ്ത്രീ എന്തിനാണ് സന്ധ്യാസമയത്ത് കോട്ട കാണാന്‍ പോയതെന്ന ചോദ്യം പൊതുസമൂഹം ചോദിക്കുകയും ചെയ്തു. ഭര്‍ത്താവ് അടക്കം പങ്കാളിയായിക്കൊണ്ട് നടന്ന വലിയൊരു ക്രിമിനല്‍ കുറ്റമായിരുന്നു കണ്ണുര്‍ കോട്ടയില്‍ നടന്നത്. ഒരു ബലാത്സംഗ വാര്‍ത്ത മാത്രമായി തേഞ്ഞു മാഞ്ഞുപോകുമായിരുന്ന സംഭവം ഒട്ടേറെ കോളിളക്കങ്ങള്‍ ഉണ്ടാക്കുകയും പ്രതികള്‍ ശിക്ഷിക്കപ്പെടുകയും ചെയ്തത് സ്ത്രീകളുടെ സംഘടിത സമരത്തിന്റെ ഭാഗമായിട്ടായിരുന്നു. അടുക്കളയിൽ പണിമുടക്ക് നടത്തിക്കൊണ്ടാണ് സ്ത്രീകൾ ആ സമരത്തെയും സമരം മുന്നോട്ടു വെക്കുന്ന ന്യായത്തെയും കേരളത്തിന്റെ പൊതുബോധത്തിലേക്ക് വലിച്ചിട്ടത്..
Content Highlights: Half the sky column , Kannur Fort gang rape case, protest of Women, Kollada