'ജയിൽ ഭക്ഷണത്തെ സംശയിക്കേണ്ടതില്ല, തടവുകാർക്ക് അത് പുറംലോകവുമായുള്ള കണക്ഷനാണ്' | Service Story
ജയിലിനുള്ളിലെ തടവുകാരന് തയ്യാറാക്കുന്ന ഭക്ഷണത്തെ സംശയത്തോടെ കാണേണ്ടതില്ലെന്നും സമൂഹത്തോടുള്ള ഹൃദയൈക്യം പ്രഖ്യാപിക്കലായാണ് അവർ സ്വയം തയ്യാറാക്കുന്ന ജയില് ഭക്ഷണത്തെ കാണുന്നതെന്നും മുന് ജയില് ഡിഐജി എസ് സന്തോഷ്. മാതൃഭൂമി ഡോട്ട്കോമിന്റെ സര്വീസ് സ്റ്റോറി അഭിമുഖ പരിപാടിയില് സംസാരിക്കുകയായിരുന്നു അദ്ദേഹം. കുറ്റവാളികളുമായുള്ള നിരന്തര സമ്പര്ക്കത്തെ തുടര്ന്ന് സംഘര്ഷഭരിതമായ ജീവിതം നയിക്കുന്നവരാണ് ജയിലുദ്യോഗസ്ഥരെന്നും മദ്യം, ആത്മഹത്യ തുടങ്ങിയ ചിന്തകളിലേക്ക് ഈ സംഘര്ഷം ഇവരെ നയിക്കുന്നുണ്ടെന്നും സന്തോഷ് പറഞ്ഞു. തുച്ഛമായുള്ള വേതനം ലഭിക്കുന്ന വേറെ എന്തെങ്കിലുമൊരു ജോലി ലഭിച്ചാല് ജോലി ഉപേക്ഷിക്കുന്നവരുടെ എണ്ണം കൂടുകയാണെന്നും ബോണ്ട് തുക കെട്ടിവെച്ചിട്ട് പോലും ജോലി ഉപേക്ഷിച്ച് പോകുന്നവര് ജയിലുദ്യോഗസ്ഥരുടെ കൂട്ടത്തിലുണ്ടെന്നും അദ്ദേഹം പറഞ്ഞു. പലയിടത്തും ഓഫീസര്മാരുടെ തസ്തികകള് ഒഴിഞ്ഞുകിടക്കുകയാണെന്നും അദ്ദേഹം കൂട്ടിച്ചേര്ത്തു.
Content Highlights: s santhosh prison dig jail food officers death alcohol consumption service story nileena atholi