ഇരുമ്പ് ശ്വാസകോശത്തിലായിരുന്നു പോളിയോ തകർത്ത പോളിന്റെ എഴുപത്തിരണ്ട് കൊല്ലത്തെ ജീവിതം

ശ്വാസമെടുക്കാനും ജീവൻ നിലനിർത്താനുമായി ജീവിതത്തിന്റെ ഏറിയ പങ്കും ഇരുമ്പുകൂടിനുള്ളിൽ ചെലവഴിച്ച വ്യക്തി. എഴുപത്തിയെട്ടാം വയസ്സിൽ അന്തരിച്ച പോൾ അലക്സാണ്ടറുടെ ജീവിതത്തെ ഒറ്റവാചകത്തിൽ ഇങ്ങനെ വിശേഷിപ്പിക്കാം. അമേരിക്കയുടെ ചരിത്രത്തിലെ തന്നെ ഏറ്റവും വലിയ പോളിയോ വ്യാപനമുണ്ടായകാലത്ത് അതിൽ ജീവിതം തകർന്ന കുട്ടികളിലൊരാളായിരുന്നു പോൾ. ഏകദേശം അമ്പത്തിയെട്ടായിരത്തോളം പേരെയാണ് അന്ന് പോളിയോ ബാധിച്ചത്. തുടർന്ന് ശരീരം തളർന്ന് ശ്വസിക്കാൻപോലും കഴിയാതിരുന്ന പോളിന്റെ ജീവൻ നിലനിർത്തിയത് ഒരു ഇരുമ്പുകൂടാണ്. അങ്ങനെയാണ് അയൺ ലങ്സുമായി ജീവിച്ച മനുഷ്യൻ എന്ന വിളിപ്പേര് പോളിനു ലഭിച്ചത്. 

ചൊവ്വാഴ്ച്ചയാണ് പോളിന്റെ മരണവിവരത്തേക്കുറിച്ച് അദ്ദേഹത്തിന്റെ ചികിത്സാർഥം ആരംഭിച്ച ധനസഹായപേജിലൂടെ പുറത്തുവിട്ടത്. ഫെബ്രുവരിയിൽ കൊറോണ വൈറസ് ബാധിച്ചതോടെയാണ് പോളിന്റെ ആരോ​ഗ്യം വഷളായത്. കുട്ടിക്കാലത്ത് പോളിയോ ബാധിച്ച് എഴുപതു വർഷത്തോളം ശ്വസിക്കാനായി ഇരുമ്പുകൂടിനുള്ളിൽ ജീവിച്ചുവെന്നതു തന്നെയാണ് പോളിനെ വ്യത്യസ്തനാക്കിയത്. ഇക്കാലത്തൊന്നും ജീവിതം മടുത്തിരിക്കുകയായിരുന്നില്ല പോൾ, മറിച്ച് വിദ്യാഭ്യാസത്തിന് പ്രാധാന്യം നൽകിക്കൊണ്ട് മുന്നോട്ടുപോവുക തന്നെ ചെയ്തു. കോളേജ് വിദ്യാഭ്യാസം കഴിഞ്ഞ് നിയമത്തിൽ ബിരുദമെടുക്കുകയും നിയമജ്ഞനാവുകയും ചെയ്തു. ഇതിനിടയിൽ ഒരു പുസ്തകവും കക്ഷി എഴുതുകയുണ്ടായി.

Content Highlights: paul alexande polio survivor who lived in iron lung for 70 year