കടലിനോട് പങ്കജ് ഉധാസ് പറഞ്ഞു: 'ചിട്ടീ ആയീ ഹേ..'

ജനസാഗരത്തിന് മുന്നിൽ പാടിയാണ് ശീലം. യഥാർഥ സാഗരത്തിന് മുന്നിൽ പാടുന്നത് അന്നാദ്യം.
നിലാവെട്ടത്തിൽ ഇരമ്പിയാർക്കുന്ന അറബിക്കടലിലേക്ക് നോക്കി ചുണ്ടിലൊരു ചെറുപുഞ്ചിരിയോടെ പങ്കജ് ഉധാസ് പാടിയ പാട്ടിന്റെ പല്ലവി ഇതാ ഈ നിമിഷവും കാതിലുണ്ട് : 'ചിട്ടി ആയീ ഹേ, ആയീ ഹേ ചിട്ടി ആയീ ഹേ..' കോഴിക്കോട് കടപ്പുറത്തെ പഞ്ചാരമണലാണ് വേദി. അകമ്പടിക്ക് തിരമാലകളുടെ രൗദ്ര താളം. കേൾവിക്കാരായി ഞങ്ങൾ നാലഞ്ചുപേർ.

അർദ്ധരാത്രിയോടടുപ്പിച്ച് റെയിൽവേ സ്റ്റേഷനിലേക്കുള്ള യാത്രാമദ്ധ്യേ കാർ നിർത്തി കടപ്പുറത്തിറങ്ങിയതായിരുന്നു ഉധാസും അദ്ദേഹത്തിന്റെ പക്കമേളക്കാരും. പത്രത്തിന് വേണ്ടി ഒരു അഭിമുഖം തരപ്പെടുത്തുക എന്ന ലക്ഷ്യത്തോടെ ഹോട്ടലിൽ നിന്ന് ഒപ്പം കൂടിയ ഞാനെന്ന ട്രെയിനീ പത്രപ്രവർത്തകനും പിന്നെ സുഹൃത്തായ സംഘാടകനുമുണ്ട് ഒപ്പം.

Content Highlights: Celebrates 40 years of the iconic ghazal Chithi Aayi Hai from the 1986 film Naam., Recounts veteran journalist Ravi Menon's memorable personal interaction with Pankaj Udhas., Details the creative process behind Anand Bakshi's lyrics and Laxmikant-Pyarelal's composition., Highlights the emotional resonance of the song for the Indian diaspora.