പാഠം 200| 40 ശതമാനംവരെ ആദായമോ?: നിക്ഷേപ സാധ്യതകള്‍ വിലയിരുത്താം
രണ്ടു വര്‍ഷമായി ജേക്കബ് തോമസ് മാസംതോറും 50,000 രൂപ എസ്.ഐ.പിയായി നിക്ഷേപിച്ചുവരുന്നു. ഇക്വറ്റി കാറ്റഗറിയില്‍ കൂടുതല്‍ നേട്ടം നല്‍കിയ മൂന്ന് ഫണ്ടുകളാണ് അതിനായി തിരഞ്ഞെടുത്തത്. എല്ലാം സ്‌മോള്‍ ക്യാപ് വിഭാഗത്തിലുള്ളവ. പ്രമുഖ ഓണ്‍ലൈന്‍ പ്ലാറ്റ്‌ഫോമിലെ നേട്ടക്കണക്കുകളാണ് അദ്ദേഹത്തെ അതിന് പ്രേരിപ്പിച്ചത്.
സ്വന്തമായി നിക്ഷേപം നടത്തുന്നവരില്‍ ഭൂരിഭാഗംപേര്‍ക്കും സ്‌മോള്‍ ക്യാപ് ഫണ്ടുകളില്‍ നിക്ഷേപമുണ്ടാകും. സമീപ വര്‍ഷങ്ങളിലെ മികച്ച റിട്ടേണാണ് സ്‌മോള്‍ ക്യാപ് ഫണ്ടുകളെ ജനകീയമാക്കിയത്. വന്‍തോതില്‍ നിക്ഷേപം കുമിഞ്ഞു കൂടിയതോടെ മൂന്നു വര്‍ഷത്തിനിടെ മാത്രം ഈ പദ്ധതികള്‍ കൈകാര്യം ചെയ്യുന്ന അറ്റ ആസ്തി 40,000 കോടി രൂപയിലേറെയായി. മിഡ് ക്യാപ് ഫണ്ടുകളിലും ഈ കാലയളവില്‍ കാര്യമായ നിക്ഷേപമെത്തി. 36,700 കോടിയാണ് മിഡ് ക്യാപിലെ അറ്റ ആസ്തി.
Content Highlights: Up to 40 percent return: Investment potential can be assessed