നാടോടി ഓർമകളെ കലാസ്പന്ദനങ്ങളാക്കിയ തീജൻ ബായി | ആഴ്ചപ്പാടുകൾ

കൊല്ലം ജില്ലയിലെ ഓച്ചിറയിൽ ജനിച്ച കെ. സുരേന്ദ്രൻ എഴുതിയ നോവൽ സീതായനം പരമ്പരയായി ആഴ്ചപ്പതിപ്പിൽ വന്നുകൊണ്ടിരുന്ന കാലം. വള്ളുവനാടൻ മലയാളത്തിൽ അഭിമാനിയായ ഒരു വായനക്കാരൻ ഒരു കത്തയച്ചു, 'സീതയും രാമനും ഇത്തരം ഭാഷയിലാണോ സംസാരിക്കുന്നത്?' നോവലിസ്റ്റ് കത്തിനുതാഴെ ഇങ്ങനെയൊരു പ്രതികരണമെഴുതി : 'രാമനും സീതയും വള്ളുവനാട്ടുകാരാണെന്ന് എനിക്കറിയില്ലായിരുന്നു'വെന്ന്. 1980 കളിലാണ് എം.ടിയുടെ രണ്ടാമൂഴവും സുരേന്ദ്രന്റെ സീതായനവും പ്രസിദ്ധീകരിക്കപ്പെട്ടത്. ദ്രൗപദി, പി.കെ. ബാലകൃഷ്ണൻ വഴി കർണ്ണകഥ പറഞ്ഞതാകട്ടെ 1973 ലുമായിരുന്നു. പല ഭാഷകളിലാണ് ഇന്ത്യയിൽ രാമനും സീതയും പാണ്ഡവരും കൗരവരും സംസാരിച്ചത്. അതിന് മാനകഭാഷയില്ല.

2026 ജൂലായ് അഞ്ചാം തീയതി അന്തരിച്ച തീജൻ ബായി എന്ന പാട്ടുകഥാകാരി പാണ്ഡവകഥകൾ പറഞ്ഞത് ഛത്തീസ്ഗഡിഭാഷയിലായിരുന്നു. ആ കലാരൂപത്തിന് പാണ്ഡവനി എന്നാണ് പേര്. നമ്മുടെ രാജ്യം പത്മശ്രീ, പത്മഭൂഷൺ, പത്മവിഭൂഷൺ ബഹുമതികൾ നൽകി ആദരിച്ച ആ കലാകാരിയുടെ കഥകളിലെ പാണ്ഡവരിൽ നിന്ന് വ്യത്യസ്തരാണ് വർത്തമാന ഇന്ത്യയിലെ പ്രബലരാഷ്ട്രീയഭാഷ്യത്തിലെ പാണ്ഡവർ. നാടോടിയുടെ പാണ്ഡവന്റെ തേരോടിക്കുവാൻ രാഷ്ട്രീയത്തിന്റെ കൃഷ്ണന് കഴിയില്ല. നാടോടിയുടെ സീതയെ പാണിഗ്രഹണം ചെയ്യാൻ രാഷ്ട്രീയത്തിലെ രാമനും കഴിയില്ല.

Content Highlights: Tributes to the legendary Pandavani artist Teejan Bai following her passing in July 2026., Analysis of how political narratives are reinterpreting historical sites and cultural myths., Comparison between the inclusive folk tradition of Pandavani and contemporary exclusionary political rhetoric., Revisiting Gandhi’s 1947 vision for a syncretic Indian culture amidst current societal polarization.