'ചോരയും വെള്ളവും ഒരേസമയത്ത് ഒരുമിച്ചൊഴുകില്ല'; 60 വര്ഷത്തെ സിന്ധുനദി കരാര് മരവിപ്പിക്കുമ്പോള്!

നദി ഒഴുകുകയല്ല, കഥകള് പറയുകയാണ്.
അയാളെ മറക്കാന് കഴിയില്ല. മെലിഞ്ഞു, നീണ്ട ശരീരമുണ്ടായിരുന്ന, ആ വൃദ്ധബുദ്ധഭിക്ഷുവിനെ. ലേ നഗരത്തില് നിന്നും നാല്പതു കിലോമീറ്റര് പടിഞ്ഞാറേക്ക് യാത്രചെയ്ത് വീതിയുള്ള വഴിയില് നിന്നും താഴേക്കുനോക്കിയാല് സിന്ധു നദിയിലേക്ക് സംസ്കാര എന്നുപേരുള്ള നദി വന്നുചേരുന്നതു കാണാം. ബുദ്ധഭിക്ഷു എന്നോടുപറഞ്ഞു, 'സിന്ധുനദി കാണാന് ഇന്ത്യയില് ഏറ്റവും നല്ലയിടം ഈ പ്രയാഗയാണ്'. അദ്ദേഹം ഉശിരുള്ള യുവാവിനെപ്പോലെ മുന്നേയിറങ്ങി നടന്നു, കുത്തനെ താഴേക്കുള്ള നടവഴിയിലൂടെ. ഞാന് പിന്നാലെ പോയി. സ്ഥലം സമുദ്രനിരപ്പില് നിന്നും 10,300 അടി ഉയരത്തിലുള്ള നിമ്മു. അവിടെ, സിന്ധുനദിയില് നിന്നും എടുത്ത കല്ലിന്റെ ചിത്രമാണ് ഇതോടൊപ്പം നല്കിയിരിക്കുന്നത്. അവിടെനിന്നും 180 കിലോമീറ്റര് വടക്കുപടിഞ്ഞാറേക്ക് ഒഴുകി, line of control കടന്ന് സിന്ധു പാകിസ്താനില് പ്രവേശിക്കുന്നു. പിന്നെ സിന്ധു കാണണമെങ്കില് പാകിസ്താനില് പോകാന് വിസ എടുക്കണം, അതാണെങ്കില് കിട്ടുകയുമില്ല. ഇന്നുരാവിലേ ആ കല്ലില് ഞാന് വിരലോടിച്ചു. ആര്ക്കറിയാം ഏഴാം നൂറ്റാണ്ടില് അതുവഴി പോയ ബുദ്ധഭിക്ഷു ഹുയാന് സാങ് ചവുട്ടിനടന്ന കല്ലാണോ ഇതെന്ന്!
Content Highlights: s gopalakrishnan azhchappadukal indus water treaty and pahalgam terror attack