'മമ്മീ അപ്പൂപ്പൻ നായർ പണിക്കരാണോ 'ഈളവ' പണിക്കരാണോ?' ഞാൻ ഞെട്ടി, നിശബ്ദയായി'

ഞാനെന്നും ജോലിയുടെ കാര്യത്തിൽ അംബീഷ്യസ്സായിരുന്നു. ശേഖറാവട്ടെ എന്റെയത്ര അംബീഷ്യസ്സായിരുന്നില്ല, ടെന്നീസിലൊഴികെ. ഉണ്ടായ കാലം മുതൽക്കേ അടിക്കടി പുതുക്കിക്കൊണ്ടേയിരിക്കുന്ന ഒന്നാണ് കംപ്യൂട്ടർ ഫീൽഡ്. അക്കാലത്ത് കമ്പ്യൂട്ടർ ഡിഗ്രി ഉള്ളവർ വളരെ കുറവായിരുന്നു. സർവകലാശാലകളിൽ കംപ്യൂട്ടർ ബിരുദം പരിചയപ്പെടുത്തിവരുന്നേയുള്ളൂ. കംപ്യൂട്ടർ വിതരണക്കാരായ കമ്പനികൾ നേരിട്ട് സ്ഥാപനങ്ങളിൽ വന്ന് അവരുടെ പുതിയ ടെക്നോളജി ജോലിക്കാരെ പഠിപ്പിക്കുകയായിരുന്നു പതിവ്. ഐബിഎം, സിസ്‌കോ, ഒറാക്കിൾ, മൈക്രോസോഫ്റ്റ് തുടങ്ങിയ വലിയ കമ്പനികൾ മിക്കവാറും ആഴ്ചകളിൽ ഞങ്ങൾക്കു പരിശീലനം നൽകുമായിരുന്നു. സെനറ്റിൽ കംപ്യൂട്ടർ അപ്ഡേഷനുകൾ പഠിക്കാൻ ഇത്തരം കമ്പനികളുടെ മാനേജ്മെന്റ് ആൾക്കാരെ തേടി നടക്കുകയായിരുന്നു. ഞാൻ ഒരൊറ്റ പരിശീലനവും വിട്ടില്ല, എല്ലാത്തിനും കൈ പൊക്കി.

സെനറ്റിലെ ഓരോ ഉത്തരവാദിത്തങ്ങളും വളരെയധികം ആസ്വദിച്ചായിരുന്നു ഞാൻ ചെയ്തിരുന്നത്. കാലം പോകപ്പോകെ കംപ്യൂട്ടറുകളുടെ വലിപ്പവും കുറഞ്ഞുവന്നു. മെയിൻ ഫ്രെമിൽ നിന്നും മിനി ആയി അതിൽനിന്നും മൈക്രോ കംപ്യൂട്ടർ ആയി. മൈക്രോ കംപ്യൂട്ടറുകൾ സെനറ്റിൽ ഇൻസ്റ്റാൾ ചെയ്തപ്പോൾ ആ സെക്ഷനിലേക്ക് എന്നെയായിരുന്നു ആദ്യം മാറ്റിയത്. സെനറ്റർമാർക്ക് അതുവരെ റിപ്പോർട്ടുകൾ പ്രിന്റ്ഔട്ട് എടുത്തുകൊടുത്തിരുന്ന സമ്പ്രദായം മാറി. റിപ്പോർട്ടുകൾ അവരുടെ മൈക്രോ കംപ്യൂട്ടറിലേക്ക് അപ്ലോഡ് ചെയ്തുകൊടുക്കുന്ന സിസ്റ്റമായി. പണി എത്രയോ കുറഞ്ഞു. ഇ-മെയിൽ സംവിധാനം ഉണ്ടെങ്കിലും മെയിൻ ഫ്രെയിം കംപ്യൂട്ടറിലൂടെയായിരുന്നു അക്കാലത്തെല്ലാം മെയിൽ ചെയ്തിരുന്നത്. ഇ-മെയിലിൽക്കൂടി ഇത്രയും വലിയ റിപ്പോർട്ടുകൾ മെയിൽ ചെയ്യുന്ന ഏർപ്പാടുമില്ലായിരുന്നു. വല്ല അറിയിപ്പോ, മെമ്മോകളോ ഒക്കെയേ ഇമെയിൽ ചെയ്തിരുന്നുള്ളൂ. മൈക്രോ കംപ്യൂട്ടറിനുമുന്നേയുണ്ടായിരുന്ന ഓരോ സെക്ഷനിലെയും മിനി കംപ്യൂട്ടറിന് ഒരു റഫ്രിഡ്ജറേറ്ററിന്റെയത്ര വലിപ്പമുണ്ടായിരുന്നു!

Content Highlights: Early career transition from mainframe to micro-computers in the US Senate., Balancing professional ambitions with the traditional burden of domestic responsibilities., Navigating subtle and overt workplace discrimination based on name and origin., The impact of cultural bias on the next generation of Indian-American children., Reflecting on Kerala's educational legacy and its influence on global identity.