ഇരുട്ടിൽ, മൾബറിയിലകളിൽ (മൂന്ന്) | മേതിൽ | ആത്മകഥ ആവാതെ ഞാന്‍ 27
അഞ്ചാം ക്‌ളാസിൽ പഠിച്ചിരുന്ന കാലത്താണ് ഞാൻ ആദ്യമായൊരു രേഖാചിത്രത്തിൽ ഏർപ്പെട്ടത് — ഒരു തൂണിൻ്റെ മറവിൽ നിന്ന്, അല്‌പം അകലെ കാണാവുന്നൊരു ക്രിമിനലിൻ്റെ നീക്കം ശ്രദ്ധിക്കുന്നൊരു കുറ്റാന്വേഷകൻ്റെ ചിത്രം. ജീവിതത്തിൽ ആദ്യമായി എഴുതിയ കഥക്ക് വേണ്ടിയാണ് ഞാൻ ഈ ചിത്രം വരച്ചത്. പഠനത്തിൻ്റെ ഭാഗമായ ജ്യാമിതീയ- ശാസ്ത്രീയ വരപ്പുകൾ മാറ്റി നിർത്തിയാൽ, രണ്ടാമതൊരു ചിത്രം ഞാൻ വരച്ചിട്ടില്ല.
ആദ്യമായും അവസാനമായും ഞാൻ വരച്ച ചിത്രത്തിൽ ഈ കുറിപ്പുമായി യോജിക്കുന്നൊരു ഘടകമുണ്ടായിരുന്നു. കാലത്തിലൂടെ പിന്നോട്ട് ചരിച്ചാൽ സംഭവിക്കാവുന്നൊരു ഏകീഭാവം പോലെയാണ് ഇപ്പോൾ അതനുഭവപ്പെടുന്നത്: ആ ചിത്രത്തിലെ കുറ്റാന്വേഷകൻ്റെ കയ്യിൽ ഒരു തോക്കുണ്ടായിരുന്നു. കഥയുടെ പ്രചോദനം ബികെഎം (ചമ്പക്കുളം) അച്ചടിച്ചിരുന്ന 'ഡിറ്റക്ടർ' മാസികയിലെ കഥകളാണെന്നോർത്താൽ അതിലൊരു തോക്ക് സ്വാഭാവികം — വെറുമൊരു 'പ്രോപ്'. അത്ര മാത്രം.
Content Highlights: maythil radhakrishnan column athmakadha avathe njan about hemingway