സവാരിയിൽ വാഹനമായ ആശയം | മേതില്‍ | ആത്മകഥ ആവാതെ ഞാന്‍ 22
ഇന്ന് ഈസ്‌റ്റർ പ്രഭാതത്തിലെ വെയിലിലേക്ക് ഉണർന്നപ്പോൾ ഞാൻ വിചാരിക്കുകയായിരുന്നു: പെസഹാ വ്യാഴം (21) ഈസ്‌റ്റർ ഞായറിലെത്തി! പക്ഷേ, 'അവസാനത്തെ അത്താഴം' ഓർമ്മിപ്പിക്കാതെ ആ വ്യാഴത്തിൽ നിറഞ്ഞുനിൽക്കാൻ കാലത്തിന് കഴിയുമായിരുന്നോ? കുരിശിൽ തറയ്ക്കപ്പെട്ടവർക്ക് മാത്രം അവകാശപ്പെട്ട വിഹിതമല്ലേ ഉയിർത്തെഴുന്നേൽപ്പ്? ദുഃഖവെള്ളിയിലേക്കുള്ള സൂചനകൾ നിറഞ്ഞതല്ലേ പെസഹാ രാത്രിയിലെ അത്താഴം? തീർച്ചയായും ഞാൻ സൂചിപ്പിക്കുന്നത് ലിയനാർദോ ദ വിൻചിയുടെ ചിത്രമാണ്.
മാർറ്റിൻ കാപ്പ് (പത്രപ്രവർത്തകൻ, കലാചരിത്രകാരൻ) ഈയ്യിടെ ഒരിടത്ത് പറഞ്ഞിരുന്നു, "രേഖകളുടെ ചരിത്രം രേഖീയമൊഴികെ മറ്റെന്തുമാണ്." സത്യം! മിത്തുകൾക്ക് പുറത്ത് മൗലിക കഥാഖ്യാനവും രേഖീയമൊഴികെ മറ്റെന്തുമാണ്. മനസ്സിൻ്റെ ചരിത്രവും ഓർമ്മകളുടെ വസ്‌തുവിവരപ്പട്ടികയും ഇതിനു ചുവട്ടിൽ കയ്യൊപ്പിടുന്നു.
Content Highlights: maythil radhakrishnan athmakadha avathe njan 22