എന്തിനും കർണാടകയുണ്ടല്ലോ പിന്നെ നമുക്കെന്തിന് ഒപിയും ഓപ്പറഷേൻ തിയ്യറ്ററും?

"കാസർകോട് ജില്ലയിൽ, ടാറ്റാ ആശുപത്രി, ജനറൽ ആശുപത്രി എന്നിവ അടക്കം വിവിധയിടങ്ങളിൽ ഞാൻ ജോലി ചെയ്തിട്ടുണ്ട്. എനിക്ക് തോന്നിയ കാര്യം, കാസർകോട് ജില്ലയിലെ ആരോഗ്യമേഖല എല്ലാതരത്തിലും അവഗണിക്കപ്പെട്ട ഒന്നാണ്. സർക്കാർ മേഖലയും സ്വകാര്യ മേഖലയും ഒരുപോലെ കൈവിട്ട ജില്ലയാണ് കാസർകോട്"- കാസർകോട് ജില്ലയുടെ ദുരിതത്തെക്കുറിച്ച് ടാറ്റാ ആശുപത്രിയിലുൾപ്പെടെ ജില്ലയിലെ വിവിധ ആശുപത്രികളിൽ സേവനം ചെയ്ത ഡോക്ടറുടെ വാക്കുകളാണ്.

"കാസർകോട്ട് എടുത്തു പറയാനുള്ള ആരോഗ്യമേഖലയിലെ സ്ഥാപനങ്ങൾ, ജനറൽ ആശുപത്രിയും കാഞ്ഞങ്ങാട് ജില്ലാ ആശുപത്രിയുമാണ്. കൊറോണ സമയത്ത് സർക്കാരിന്റേതായിട്ടുണ്ടായിരുന്ന ടാറ്റാ ആശുപത്രി ഇപ്പോൾ പൂർണമായും അടച്ചു. ഡോക്ടർമാരെ വിവിധ ആശുപത്രികളിലേക്ക് മാറ്റി. ജനറൽ ആശുപത്രിയിലാകട്ടെ, പ്രധാനപ്പെട്ട എല്ലാ സ്പെഷ്യാലിറ്റികളും ആരംഭിച്ചിട്ടുണ്ട്. എന്നാൽ അതിൽ എത്രത്തോളം സൗകര്യങ്ങളുണ്ട് എന്നതാണ് പ്രശ്നം. സർജറി, മെഡിസിൻ, ഗൈനക്ക് അടക്കം എല്ലാം സ്പെഷ്യാലിറ്റികളും ജനറൽ ആശുപത്രികളിൽ ഉണ്ട്. ഇവയിൽ പലതിലും അടിസ്ഥാന സൗകര്യങ്ങൾ മാത്രമാണ് ഉള്ളത്. അതുകൊണ്ട് തന്നെ പലപ്പോഴും രോഗികളെ പരിയാരത്തേക്കും മംഗലാപുരത്തേക്കും റഫർ ചെയ്യേണ്ട സാഹചര്യമാണ്" - ഡോക്ടർ പറയുന്നു.

Content Highlights: kasaragod tata hospital Inadequate healthcare facilities in kasaragod district series comments