ഡല്ഹിയിലെ പ്രസ് ക്ലബിൽ കാണിക്കുന്ന ഐക്യം പോര 'ഇന്ത്യ'ക്ക് തിരഞ്ഞെടുപ്പില് ജയിക്കാന് | പ്രതിഭാഷണം
2024-ലെ ലോക്സഭാ തിരഞ്ഞെടുപ്പിന്റെ സെമിഫൈനല് എന്ന് വിശേഷിപ്പിക്കപ്പെടുന്ന അഞ്ച് സംസ്ഥാനങ്ങളിലേക്കുള്ള തിരഞ്ഞെടുപ്പിന്റെ തിരശ്ശീല ഉയര്ന്നുകഴിഞ്ഞു. രാജസ്ഥാന്, മധ്യപ്രദേശ്, തെലങ്കാന, ഛത്തീസ്ഗഢ്, മിസോറാം എന്നീ സംസ്ഥാനങ്ങളിലാണ് തിരഞ്ഞെടുപ്പ് നടക്കുന്നത്. കൂട്ടത്തില് മിസോറാം ചെറിയ സംസ്ഥാനമാണെങ്കിലും മണിപ്പൂരില് നടന്ന ആഭ്യന്തര കലാപത്തിന്റെ അനുരണനങ്ങള് മിസോറാമില് പ്രതിഫലിക്കും എന്നുള്ളതുകൊണ്ട് ആ തിരഞ്ഞെടുപ്പും വലിയ ശ്രദ്ധ നേടിയിട്ടുണ്ട്. മറ്റ് നാല് സംസ്ഥാനങ്ങളും ദേശീയ രാഷ്ട്രീയ ഭൂപടത്തിലെ നിര്ണായകമായ പോരാട്ടഭൂമികള് തന്നെയാണ്.
ഈ അഞ്ചു സംസ്ഥാനങ്ങളിലെ തിരഞ്ഞെടുപ്പുകള്ക്ക് മുമ്പുതന്നെ ചെറുതും വലുതുമായ 28 രാഷ്ട്രീയ കക്ഷികളടങ്ങുന്ന 'ഇന്ത്യ' മുന്നണിക്ക് കോണ്ഗ്രസ് രൂപംനല്കി. 'ഇന്ത്യ' മുന്നണിയിലെ പ്രമുഖ കക്ഷികള്ക്ക് ഈ അഞ്ചു സംസ്ഥാനങ്ങളില് അത്ര വലിയ സ്വാധീനമില്ലെങ്കില് പോലും നേരിയ മാര്ജിനില് പോലും ജയ- പരാജയങ്ങള് തീരുമാനിക്കപ്പെടുന്ന ഇന്നത്തെ രാഷ്ട്രീയ സാഹചര്യത്തില് 'ഇന്ത്യ' കക്ഷികള് പരമാവധി ഒരുമിച്ച് നിന്ന് എതിര്ത്താല് മാത്രമേ ബി.ജെ.പിയെ പുറത്താക്കാന് സാധിക്കൂവെന്ന് രാഷ്ട്രീയത്തിന്റെ ബാലപാഠങ്ങള് പഠിച്ചവര്ക്ക് അറിയാം. പക്ഷേ, അഞ്ചു സംസ്ഥാന നിയമസഭകളിലെ തിരഞ്ഞെടുപ്പിലും 'ഇന്ത്യ' മുന്നണിക്ക് വേണ്ടി ഡല്ഹിയില് ഉണ്ടായ ആവേശം അതേപടി പ്രതിഫലിക്കുന്നുണ്ട് എന്നുപറഞ്ഞുകൂടാ.
Content Highlights: 2024 lok sabha election, INDIA coalition, five state election, Prathibhashanam column by CP John