മഖാനയെക്കുറിച്ച് അറിയാമോ?; ശരീരഭാരം കുറയ്ക്കാന് ഉത്തമം
നിരവധി ആരോഗ്യഗുണങ്ങള് ഉള്ള ഒരു പരമ്പരാഗത ഇന്ത്യന് ലഘുഭക്ഷണമാണ് മഖാന. ഫോക്സ് നട്ട്സ്, താമര വിത്ത്, ഗോര്ഗോണ് നട്ട്സ് ഇങ്ങനെ പല പേരുകളിലും ഇത് അറിയപ്പെടുന്നു.ആരോഗ്യം നിലനിര്ത്താനും പ്രതിരോധശേഷി കൂട്ടാനുമെല്ലാം മഖാന ഭക്ഷണക്രമത്തില് ഉള്പ്പെടുത്താം. ഇതിന്റെ ഗുണങ്ങളറിഞ്ഞിരിക്കാം.
മഖാനയില് കാത്സ്യം, മഗ്നീഷ്യം, ഇരുമ്പ്, ഫോസ്ഫറസ് എന്നിവ അടങ്ങിയിട്ടുണ്ട്. കൂടാതെ കലോറി വളരെ കുറവാണ് എന്നതാണ് ഇതിന്റെ മറ്റൊരു ഗുണം. ശരീരഭാരം കുറയ്ക്കാന് ശ്രമിക്കുന്നവര് ധൈര്യമായി മഖാന കഴിക്കാം. ഇതിലെ ഫൈബര് വിശപ്പ് നിയന്ത്രിക്കും. അത്തരത്തില് മൊത്തത്തിലുള്ള കലോറി ഉപഭോഗം കുറയ്ക്കാനും സഹായിക്കും.
മഖാനയില് കുറഞ്ഞ ഗ്ലൈസെമിക് സൂചികയാണുള്ളത്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാന് സഹായിക്കുന്നു. മഖാനയിലെ മഗ്നീഷ്യം, പൊട്ടാസ്യം എന്നിവ ഹൃദയാരോഗ്യത്തിന് അത്യന്താപേക്ഷിതമാണ്.
ഇതില് പ്രോട്ടീന്, നാരുകള്, മഗ്നീഷ്യം, പൊട്ടാസ്യം, ഫോസ്ഫറസ്, ഇരുമ്പ്, സിങ്ക് തുടങ്ങിയ ആവശ്യ പോഷകങ്ങളുണ്ട്. എല്ലുകളുടെ ആരോഗ്യം, ഇലക്ട്രോലൈറ്റ് ബാലന്സ് നിലനിര്ത്തല് തുടങ്ങിയ വിവിധ ശാരീരിക പ്രവര്ത്തനങ്ങളില് ഈ പോഷകങ്ങള്ക്ക് നിര്ണായക പങ്കാണുള്ളത്.
എല്ലുകളുടെ ആരോഗ്യം മെച്ചപ്പെടുത്തുകയും പഞ്ചസാരയുടെ അളവ് നിയന്ത്രിക്കുകയും ചെയ്യുന്ന ഭക്ഷണമാണിത്. ഫ്ളേവനോയിഡുകളും പോളിഫെനോളുകളും പോലുള്ള ആന്റിഓക്സിഡന്റുകള് ഇതില് അടങ്ങിയിട്ടുണ്ട്. ഈ ആന്റിഓക്സിഡന്റുകള് കോശങ്ങളെ കേടുപാടുകളില് നിന്ന് സംരക്ഷിക്കുകയും വിട്ടുമാറാത്ത രോഗങ്ങളുടെ സാധ്യത കുറയ്ക്കുകയും ചെയ്യും. ഓണ്ലൈന് സ്റ്റോറുകളില് സുലഭമായി ലഭിക്കും.
(ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ഭക്ഷണക്രമത്തില് മാറ്റം വരുത്തുക.)
Content Highlights: interesting makhana health benefits