വംശനാശത്തിന് ഒരു നൂറ്റാണ്ടിനിപ്പുറം രാജകീയ വരവറിയിച്ച് ന്യൂസിലാന്ഡിന്റെ താകഹെ | Nature Future
ചരിത്രാതീതകാലത്ത്, ന്യൂസിലാന്ഡിന് സ്വന്തമായി ഒരു അപൂര്വ പക്ഷി ഉണ്ടായിരുന്നു. ദേഹം നിറയെ നീലപ്പച്ച തൂവലുകള്. ചുവന്ന് തിളക്കമാര്ന്ന കാലുകളും കൊക്കും. കാഴ്ചയ്ക്ക് ഒരു ഫുട്ബോള് പോലെ... ഉരുണ്ട് മിനുത്ത്! താകഹെ പക്ഷികള് റെയില്' വിഭാഗത്തില് പെടുന്നവയാണെങ്കിലും ഇവയ്ക്ക് പറക്കാനുള്ള കഴിവില്ല. പക്ഷെ പേടിച്ചാല് താകഹെ പന്തയക്കുതിരയെപ്പോലെ ഓടും. ആദ്യകാലത്ത് ശത്രുക്കളായി സസ്തനികള് ഒന്നും ഇല്ലാതിരുന്നതിനാലാവണം താകഹെകള് പറക്കാത്ത പക്ഷികളായതെന്ന് ശാസ്ത്രം അനുമാനിക്കുന്നു. മനുഷ്യര് കൊണ്ടുവന്ന പൂച്ച, പട്ടി, നായ, ഫെററ്റ്, സ്റ്റോട്ട് തുടങ്ങിയ മൃഗങ്ങള് പെരുകിയതോടെ താകഹെകള്ക്ക് രക്ഷയില്ലാതായി. അവ പതിയെ ഭൂമുഖത്തുനിന്ന് അപ്രത്യക്ഷമായിത്തുടങ്ങി. 1898-ല് താകഹെകള്ക്ക് വംശനാശം വന്നതായി ഒദ്യോഗികമായി സ്ഥിരീകരിക്കപ്പെട്ടു.
Content Highlights: Nature Future