മണ്ഡല പുനർനിർണ്ണയമല്ല അധികാര വികേന്ദ്രീകരണമാണ് വേണ്ടത് | വഴിപോക്കൻ

കേന്ദ്ര ആഭ്യന്തര മന്ത്രി അമിത് ഷാ ഇക്കഴിഞ്ഞ ശനിയാഴ്ച തമിഴ്നാട്ടിലുണ്ടായിരുന്നു. പാർലമെന്റിൽ അമിത് ഷായെ കാണാനില്ലെന്നും അമിത് ഷാ എവിടെയാണെന്നും പ്രതിപക്ഷം ചോദിച്ചുകൊണ്ടിരിക്കുന്നതിനിടയിലാണ് ഷാ തമിഴ്നാട്ടിലെ തിരുവണ്ണാമലയിലെത്തിയത്. അവിടെ അരുണാചലേശ്വർ ക്ഷേത്രത്തിൽ പ്രാർത്ഥിച്ച ശേഷം രമണ മഹർഷിയുടെ ആശ്രമവും സന്ദർശിച്ചു. തമിഴകത്തെ ശൈവക്ഷേത്രങ്ങളിൽ ഏറെ വിഖ്യാതമാണ് അരുണാചലേശ്വർ. പഞ്ചഭൂതങ്ങളിലൊന്നായ അഗ്നിക്ക് സമർപ്പിക്കപ്പെട്ടിരിക്കുന്ന ക്ഷേത്രം. തിരിച്ചുപോകുംവഴി അമിത് ഷാ ബിജെപിയുടെ സഖ്യകക്ഷിയായ എഐഎഡിഎംകെയുടെ ജനറൽ സെക്രട്ടറി എടപ്പാടി പഴനിസ്വാമിയുമായി ചെന്നൈയിൽ ചെറിയൊരു കൂടിക്കാഴ്ച നടത്തി.

അമിത് ഷാ സമ്മർദ്ദത്തിലാണ്. ഷാ മാത്രമല്ല, ബിജെപി മൊത്തത്തിൽ സമ്മർദ്ദത്തിലാണ്. സിജെപിയുടെ പ്രതിഷേധത്തിനും ധർമ്മേന്ദ്ര പ്രധാന്റെ രാജിക്കും പിന്നാലെ ബിഹാറിലെ ബങ്കിപ്പൂരിൽ ജൻ സുരാജ് നേതാവ് പ്രശാന്ത് കിഷോർ ജയിച്ചതും മദ്ധ്യപ്രദേശിലെ ദതിയ കോൺഗ്രസ് നിലനിർത്തിയതും ബിജെപിയെ ഞെട്ടിച്ചിട്ടുണ്ട്. ബങ്കിപ്പുർ 1995 മുതൽ ബിജെപിയുടെ കുത്തകയായായിരുന്നു. ഏകദേശം 1.6 ലക്ഷം സവർണ്ണ സമുദായക്കാരുള്ള ഈ മണ്ഡലം കൈവിട്ടുപോകുമെന്ന് ബിജെപി ഒരിക്കലും കരുതിയിരുന്നില്ല. 3.79 ലക്ഷം വോട്ടർമാരുള്ള ബങ്കിപ്പുരിൽ എൺപതിനായിരത്തോളം പേരേ യാദവ, മുസ്ലിം സമുദായങ്ങളിൽ നിന്നുള്ളു. ഏതാണ്ടെല്ലാ വിഭാഗങ്ങളിൽനിന്നുള്ള വോട്ടർമാരും പ്രശാന്ത് കിഷോറിനെ തുണച്ചതായാണ് കണക്കുകൾ വ്യക്തമാക്കുന്നത്.

Content Highlights: BJP's push for Lok Sabha constituency delimitation threatens India's federal structure by reducing South Indian representation., Hindi heartland states stand to gain significantly more seats, altering the political map permanently., Historical precedents by Indira Gandhi and Vajpayee governments show freezing delimitation is viable and necessary., True national progress requires decentralization of power rather than centralizing it in Delhi.