ജനം സ്വയം പ്രതിപക്ഷമാവുമ്പോൾ| വഴിപോക്കൻ

അധികാരം നിലനിർത്താൻ നടത്തുന്ന പിണറായി സർക്കാർ നടത്തുന്ന ഓരോ ഒത്തുതീർപ്പും ദ്രവിപ്പിക്കുന്നത് ധാർമ്മികതയുടെ അസ്തിവാരമാണ്. ഒരു പാരഡി ഗാനത്തെപോലും പേടിക്കുന്നുവെന്ന അവസ്ഥ ഒരു പാർട്ടിയുടെ ആന്തരിക ബോധ്യങ്ങൾ എത്രമാത്രം ദുർബ്ബലമായിത്തീർന്നിട്ടുണ്ടെന്നുള്ളതിന്റെ സാക്ഷ്യപത്രമാവുന്നു.

1977 ലെ ലോക്‌സഭാ തിരഞ്ഞെടുപ്പിൽ ജനതാപാർട്ടി നേതാവ് ജോർജ് ഫെർണാണ്ടസ് മത്സരിച്ചത് ബിഹാറിലെ മുസഫർപുരിൽ നിന്നാണ്. തിരഞ്ഞെടുപ്പ് പ്രചാരണത്തിനായി ഒരിക്കൽ പോലും മണ്ഡലത്തിലേക്ക് വരാൻ ഫെർണാണ്ടസിനായില്ല. കാരണം അടിയന്തരാവസ്ഥ പിൻവലിച്ചിട്ടും ഇന്ദിരാ ഭരണകൂടം ഫെർണാണ്ടസിനെ ജയിലിൽ നിന്നും മോചിപ്പിച്ചിരുന്നില്ല. എന്നിട്ടും മുസഫർപുരിലെ ജനങ്ങൾ 3,34,217 വോട്ടുകളുടെ ഭൂരിപക്ഷത്തിന് ഫെർണാണ്ടസിനെ വിജയിപ്പിച്ചു. ബിഹാറിലെ 54 മണ്ഡലങ്ങളും അന്ന് ജനങ്ങൾ ജനതാപാർട്ടിക്ക് സമ്മാനിച്ചു. ഉത്തരപ്രദേശിലും സ്ഥിതി സമാനമായിരുന്നു. 85 ലോക്‌സഭാ മണ്ഡലങ്ങളിൽ ഒരിടത്തുപോലും ജയിക്കാൻ കോൺഗ്രസിനായില്ല.

Content Highlights: Analyze the recent Kerala local body election results. Understand the voter`s mandate against the Pinarayi government and the changing political landscape.