ഓടയിൽ വീണ ഫോർഡും റോഡുകളുടെ 'തലവര' മാറ്റിയ ലേഡി ഡോക്ടറും

ഗതാഗത നിയമങ്ങള്‍ പാലിച്ചു മാത്രം വാഹനം ഓടിക്കുകയും കൃത്യമായി സീറ്റ്‌ ബെല്‍റ്റോ ഹെല്‍മെറ്റോ ധരിക്കുകയും ചെയ്തിരുന്ന പലരും റോഡിലെ മഞ്ഞയും വെള്ളയും നിറമുള്ള വരകള്‍ അടുത്തിടെവരെ അത്ര കാര്യമായി എടുത്തിരുന്നില്ല. എ.ഐ ക്യാമറകളടക്കം രംഗത്തു വന്നതോടെയാണ് വാഹനം ഓടിക്കുമ്പോള്‍ റോഡിലെ വരകളും ശ്രദ്ധിക്കേണ്ടതാണ് എന്ന ബോധം പലര്‍ക്കുമുണ്ടായത്. റോഡിലെ മഞ്ഞവര കടക്കുന്നവർക്കെതിരേ 2000 രൂപ പിഴ ചുമത്തുമെന്ന വാര്‍ത്തകള്‍ വന്നു. ഇതോടെയാണ് ഈ വരകള്‍കൊണ്ട് ഉദ്ദേശിക്കുന്നത് എന്താണെന്ന് പലരും കണ്ടെത്താന്‍ ശ്രമം തുടങ്ങിയത്. ഡ്രൈവര്‍മാര്‍ക്കുള്ള നിര്‍ദേശങ്ങളാണ് റോഡിലെ ഓരോ വരകളും. 

ഡ്രൈവിങ് അനായാസമാക്കുന്നതിനും വാഹനാപകടങ്ങള്‍ ഒഴിവാക്കുന്നതും വഴി വിലപ്പെട്ട ജീവനുകള്‍ രക്ഷിക്കുന്നതിലും സുപ്രധാന പങ്കാണ് അവയ്ക്കുള്ളത്. നിരത്തില്‍ കുതിച്ചുപായുന്ന വാഹനങ്ങള്‍ ഇന്നു കാണുന്ന തരത്തില്‍ കാര്യക്ഷമതയുള്ളതായി മാറാന്‍ ഇടയാക്കിയ പല സുപ്രധാന കണ്ടുപിടിത്തങ്ങള്‍ക്കും പിന്നില്‍ പ്രവര്‍ത്തിച്ചവരെപ്പോലെതന്നെ ഒരു വനിതയാണ് ഈ വരകളുടെയും തുടക്കക്കാരി. മഞ്ഞയും വെള്ളയും നിറത്തിലും ഇടവിട്ടുമൊക്കെയുള്ള ആ വരകള്‍ ലോകം മുഴുവനുമുള്ള റോഡുകളില്‍ ഇന്ന് വാഹനങ്ങളിലും കാല്‍നടയായും സഞ്ചരിക്കുന്ന ലക്ഷക്കണക്കിനു പേര്‍ക്ക് സുരക്ഷ ഒരുക്കുന്നു.

Content Highlights: History behind the lines of roads, History of road lanes, June McCarroll introduced road lanes