പഴുത്താൽ കറുത്ത നിറം, ചോക്ലേറ്റ് കസ്റ്റേഡിന്റെ സ്വാദ്; ബ്ലാക്ക് സപ്പോട്ട അഥവാ ചോക്ലേറ്റ് ചിക്കു

പാലും കസ്റ്റേഡ് പൗഡറും കൊക്കോ പൗഡറും അല്ലെങ്കിൽ ഡാർക്ക് ചോക്ലേറ്റും പഞ്ചസാരയും കലർത്തി തയ്യാറാക്കുന്ന ഒരു മധുരപലഹാരമുണ്ട്-പേര് ചോക്ലേറ്റ് കസ്റ്റേഡ്. വായിലിട്ടാൽ അലിഞ്ഞുപോകും വിധമുള്ള, എന്നാൽ അമിതമധുരമില്ലാത്ത സ്വാദിലും നിറത്തിലും പ്രകടമായ വ്യത്യാസം വരുകയും ചെയ്യും. അത്തരത്തിലൊരു വിശേഷഫലമാണ് ബ്ലാക്ക് സപ്പോട്ട. പ്രത്യേകതയുള്ള ഒരു മധുരഫലമാണിത്. പ്രത്യേകിച്ച് കുട്ടികൾക്ക് ഏറെ പ്രിയപ്പെട്ടൊരു മധുരപലഹാരം. പ്രകൃതി തന്നെ ഇതേ സ്വാദും രൂപവും ഭാവവും ഒക്കെയുള്ള ഒരു പ്രത്യേക ഫലത്തിന് ജന്മം നൽകിയിട്ടുണ്ട്; ഇതാണ് ബ്ലാക്ക് സപ്പോട്ട അഥവാ ചോക്ലേറ്റ് ചിക്കു എന്ന് പേരെടുത്ത ചോക്ലേറ്റ് പുഡ്ഡിംഗ് ഫ്രൂട്ട്.

നമുക്ക് ചിരപരിചിതമായ സാധാരണ സപ്പോട്ടയിൽ നിന്ന് വളരെ വ്യത്യസ്തമാണ് ബ്ലാക്ക് സപ്പോട്ട; മാത്രമല്ല അതുമായി ഈ സപ്പോട്ടയ്ക്ക് കാര്യമായ ബന്ധവുമില്ല. ഇവ രണ്ടും രണ്ട് വ്യത്യസ്ത കുടുംബക്കാരാണ്. സസ്യനാമത്തിലുമുണ്ട് ഈ വ്യത്യാസം. സാധാരണ സപ്പോട്ട ‘സപ്പോട്ടേസീ’ എന്ന സസ്യകുടുംബത്തിലെ അംഗമാണെങ്കിൽ, ബ്ലാക്ക് സപ്പോട്ട ‘എബെനേസീ’ എന്ന സസ്യകുടുംബത്തിലെ അംഗമാണ്. ബ്ലാക്ക് സപ്പോട്ടയുടെ സസ്യനാമം ‘ഡിയോസ്പൈറോസ് നൈഗ്ര’ എന്നാണ്. കാഴ്ച്ചയ്ക്ക് ഒരു പെഴ്സിമൺ പഴം പോലെയോ, തക്കാളി പോലെയോ ഒക്കെയിരിക്കും. നന്നായി പഴുത്താൽ വളരെ മയമുള്ള ഒരുതരം മധുരമാണിതിന്; കസ്റ്റേഡിന്റെയും കരാമലിന്റെയും ഉണങ്ങിയ പ്ലം പഴത്തിന്റെയുമൊക്കെ സ്വാദാകാം ഇതിന്. ചോക്ലേറ്റ് പുഡിങ്ങിനോട് സാദൃശ്യം. എങ്കിലും ചോക്ലേറ്റ് നിറച്ച ഒരു വലിയ മിഠായിയുടെ സ്വാദുണ്ടായിക്കൊള്ളണമെന്നില്ല. മൃദുവും പ്രകൃതിദത്തവുമായ ഒരു നാച്ചുറൽ ചോക്ലേറ്റ് എന്ന് പറയാം.

Content Highlights: A comprehensive guide to Black Sapota, an exotic "divine fruit" from Mexico that features a natural chocolate custard-like pulp and offers immense health benefits and easy cultivation.