'ശവപ്പറമ്പ്' വിട്ട് കൂടുതല്‍ ഉയരത്തില്‍; ഉയരം കൂടുംതോറും വീര്യം കൂടി ബൊളീവിയ

'ഉയരം കൂടുംതോറും ചായയുടെ സ്വാദ് കൂടും'', കണ്ണന്‍ ദേവന്റെ പരസ്യത്തില്‍ നടന്‍ മോഹന്‍ലാല്‍ പറഞ്ഞ ഈ ഡയലോഗ് ബൊളീവിയയിലുള്ളവര്‍ കേട്ടിട്ടുണ്ടാകുമോ? ഉണ്ടായിരിക്കില്ല. പക്ഷേ, ബൊളീവിയന്‍ ഫുട്ബോള്‍ ഉറച്ചുവിശ്വസിക്കുന്ന ഒന്നുണ്ട്, 'ഉയരം കൂടുംതോറും വിജയത്തിന്റെ എണ്ണം കൂടും'.

നാലാം ഫുട്ബോള്‍ ലോകകപ്പ് യോഗ്യതയ്ക്കരികിലാണ് ബൊളീവിയ. ഇന്റര്‍ കോണ്ടിനെന്റല്‍ പ്ലേ ഓഫില്‍ കളിക്കാന്‍ ലാറ്റിനമേരിക്കയില്‍നിന്ന് അവര്‍ യോഗ്യത നേടിയിരിക്കുന്നു. ആറ് ടീമുകള്‍ മത്സരിക്കുന്ന പ്ലേ ഓഫിലെ മികച്ച പ്രകടനം അവരെ ലോകകപ്പിലെത്തിക്കും. ലാ വെർദ എന്ന് വിളിപ്പേരുള്ള ടീം അവസാനമായി ലോകകപ്പ് കളിച്ചത് 31 വർഷം മുമ്പാണ്. 1994-ൽ.

Content Highlights: Bolivia`s football team leverages its new high-altitude home ground in El Alto, aiming for World Cup qualification. Discover their incredible home advantage.