പാകിസ്താനെതിരായ ആ തോൽവിയാണ് ലോകകപ്പ് ജയിപ്പിച്ചത്; നാലാം വയസിൽ അച്ഛൻ കണ്ടെടുത്ത ക്രിക്കറ്റർ

താൻ എറിഞ്ഞുകൊടുക്കുന്ന പന്തുകൾ പ്ലാസ്റ്റിക്ക് ബാറ്റുകൊണ്ട് കൃത്യമായ ടൈമിങ്ങോടെ അടിച്ചകറ്റുന്ന നാലു വയസുകാരന്റെ മികവ് ആദ്യം ശ്രദ്ധിക്കുന്നത് അച്ഛൻ ഈശോ വർഗീസാണ്. ക്രിക്കറ്റിനെ പാഷനായി കൊണ്ടുനടന്നിരുന്ന ആ അച്ഛന്റെ മനസ് നിറയാൻ ആ നാലു വയസുകാരൻ അന്ന് ആ പ്ലാസ്റ്റിക്ക് ബാറ്റിൽ കളിച്ച ഷോട്ടുകൾ മതിയായിരുന്നു. 15 വർഷങ്ങൾക്കിപ്പുറം സിംബാബ്‌വെയിൽ ഇന്ത്യ അണ്ടർ 19 ലോകകപ്പുയർത്തിയപ്പോൾ ആ ടീമിൽ ഈശോ വർഗീസിന്റെ മകനുണ്ടായിരുന്നു. അഫ്ഗാനിസ്താനെതിരായ സെമിയിൽ 311 റൺസെന്ന റെക്കോഡ് ലക്ഷ്യം കീഴടക്കി ഇന്ത്യ ഫൈനൽ ടിക്കറ്റെടുക്കുമ്പോൾ 104 പന്തിൽ 115 റൺസുമായി കളിയിലെ താരമായതും ഈശോ വർഗീസ് അന്ന് പന്തെറിഞ്ഞുകൊടുത്ത തന്റെ മകനായിരുന്നു. സഞ്ജു സാംസണ് ശേഷം ഇന്ത്യൻ ക്രിക്കറ്റിൽ ഉയർന്നുകേൾക്കുന്ന മറ്റൊരു മലയാളി ക്രിക്കറ്റർ, ആരോൺ ജോർജ് വർഗീസ്.

മാവേലിക്കര തറയിൽ ഈശോ വർഗീസിന്റെയും കോട്ടയം കീഴുക്കുന്ന് പ്രീതി സൂസൻ വർഗീസിന്റെയും മകൻ ആരോൺ ജോർജ് ജനിച്ചത് കോട്ടയത്താണെങ്കിലും പഠിച്ചതും വളർന്നതും ക്രിക്കറ്റ് പരിശീലിച്ചതുമെല്ലാം ഹൈദരാബാദിലാണ്. അണ്ടർ 19 ലോകകപ്പ് വിജയത്തെക്കുറിച്ചും ഭാവി സ്വപ്നങ്ങളെക്കുറിച്ചും മാതൃഭൂമി ഡോട്ട്‌കോമിനോട് സംസാരിക്കുകയാണ് ആരോൺ.

Content Highlights: Meet Aaron George, the talented cricketer discovered by his father at age 4. Learn about his U19 World Cup triumph and future dreams.