ബോംബിട്ടും തീയിട്ടും സ്ത്രീകൾ നേടിയെടുത്ത അവകാശം, രാജാവിന്റെ കുതിരയുടെ ഇടിയിൽ രക്തസാക്ഷിയായ എമിലി
ബ്രിട്ടനില് സ്ത്രീകളുടെ സ്വത്തവകാശത്തിന്റെ കാര്യത്തിലും നിയമപദവിയുടെ കാര്യത്തിലുമൊക്കെ പുരുഷ കര്തൃത്വത്തില് നടന്ന പരിഷ്കരണ ശ്രമങ്ങള് സ്ത്രീകള്ക്ക് അനുകൂലമായ മാറ്റങ്ങള് കൊണ്ടുവന്നെങ്കിലും സ്ത്രീകളുടെ വോട്ടവകാശം ഇത്തരം ശ്രമങ്ങളുടെ പരിഗണനാ വിഷയമായിരുന്നില്ല. ബ്രിട്ടനില് ആദ്യമായി സ്ത്രീകളുടെ ഒരു സാമൂഹ്യ രാഷ്ട്രീയ സംഘടന രൂപം കൊള്ളുന്നത് അമേരിക്കയിലെ വോട്ടവകാശ സമരങ്ങള് ശക്തി പ്രാപിച്ചതിന് ശേഷമാണ്. 1903 ഒക്ടോബര് 10 ന് രൂപം കൊണ്ട വിമന്സ് സോഷ്യല് ആന്റ് പൊളിറ്റിക്കല് യൂണിയന് (WSPU) ന്റെ മുന്കൈയിലാണ് വോട്ടവകാശത്തിന് വേണ്ടിയുള്ള ശക്തമായ സമരങ്ങള് ആരംഭിച്ചത്. സ്ത്രീകള്ക്ക് വോട്ടവകാശം നല്കാത്ത ഒരു നിയമത്തെയും പിന്തുണയ്ക്കില്ല എന്ന് പ്രഖ്യാപിച്ചുകൊണ്ട് നിയമലംഘന സമരങ്ങള് ഏറ്റെടുത്ത സംഘടനയെ നിയമ ലംഘനങ്ങള്ക്കും പ്രത്യക്ഷ സമരങ്ങള്ക്കും പേരുകേട്ട പ്രസ്ഥാനമായാണ് അറിയപ്പെട്ടത് .
Content Highlights: Half the sky, Britain women suffrage movement, right to vote fight,Sulfath, feminist movement,social