പ്രതിഷേധം നിരാശയിൽനിന്നെന്ന് ഫഡ്‌നവിസ്
മാർച്ച് രാഷ്ട്രീയമായി നഷ്ടപ്പെട്ട സ്വാധീനം തിരിച്ചുപിടിക്കാനുള്ള ശ്രമം
മുംബൈ : തിരഞ്ഞെടുപ്പ് കമ്മിഷനും മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിനുമെതിേര ഉദ്ധവ് താക്കറെയും രാജ് താക്കറെയും നേതൃത്വം നൽകിയ മുംബൈ പ്രതിഷേധ മാർച്ചിനെതിേര മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നവിസ്.
ജനങ്ങൾ നിരസിച്ചതിന് തിരഞ്ഞെടുപ്പ് കമ്മിഷനോടുള്ള നിരാശയാണ് പ്രതിഷേധത്തിൽ പ്രതിഫലിച്ചതെന്ന് ഫഡ്‌നവിസ് പറഞ്ഞു. പ്രത്യേക തീവ്ര വോട്ടർപട്ടിക പുതുക്കൽ 2026-ലാണ് ആരംഭിച്ചതെന്നും ഗ്യാനേഷ് കുമാർ 2025-ലാണ് മുഖ്യ തിരഞ്ഞെടുപ്പ് കമ്മിഷണറായതെന്നും പറഞ്ഞ ഫഡ്‌നവിസ്, 2024-ലെ മഹാരാഷ്ട്ര നിയമസഭാ തിരഞ്ഞെടുപ്പിനെ ഇത് എങ്ങനെ ബാധിക്കുമെന്ന് ചോദിച്ചു. ജനങ്ങൾ തള്ളിക്കളഞ്ഞതിന്റെ നിരാശയാണ് തിരഞ്ഞെടുപ്പ് കമ്മിഷനെതിരായ പ്രതിഷേധത്തിലൂടെ പ്രകടിപ്പിക്കുന്നതെന്നും മാർച്ച് രാഷ്ട്രീയമായി നഷ്ടപ്പെട്ട സ്വാധീനം തിരിച്ചുപിടിക്കാനുള്ള ശ്രമമാണെന്നും ഫഡ്‌നവിസ് ആരോപിച്ചു. പ്രതിഷേധത്തിൽ പ്രതീക്ഷിച്ചതിനെക്കാൾ കുറവ് ആളുകളാണ് പങ്കെടുത്തതെന്നും അദ്ദേഹം അവകാശപ്പെട്ടു.