ബഹ്റൈൻ 'മറാഈ 2026' ഷെയ്ഖ് നാസർ ബിൻ ഹമദ് ഉദ്ഘാടനം ചെയ്തു

മനാമ: 'മറാഈ 2026' എന്ന ബഹ്റൈൻ അന്താരാഷ്ട്ര പ്രദർശനത്തിന്റെ പുതിയ പതിപ്പ് മാനുഷിക പ്രവർത്തനങ്ങൾക്കും യുവജന കാര്യങ്ങൾക്കുമുള്ള രാജാവിന്റെ പ്രതിനിധി ഷെയ്ഖ് നാസർ ബിൻ ഹമദ് അൽ ഖലീഫ ഉദ്ഘാടനം ചെയ്തു. 'മറാഈ 2026' പ്രദർശനം ഉദ്ഘാടനം ചെയ്യുന്നതിനുള്ള ചുമതല രാജാവ് ഏൽപ്പിച്ചതിനും ഈ പ്രദർശനത്തിന് രക്ഷാകർതൃത്വം നൽകിയതിനും ഷെയ്ഖ് നാസർ ബിൻ ഹമദ് നന്ദി അറിയിച്ചു.

അന്താരാഷ്ട്ര പ്രദർശനം സംഘടിപ്പിക്കുന്നതിൽ മുനിസിപ്പൽ കാര്യ-കാർഷിക മന്ത്രാലയം നടത്തിയ പരിശ്രമങ്ങളെ ഷെയ്ഖ് നാസർ അഭിനന്ദിച്ചു. 'മറാഈ' എന്ന ബഹ്റൈൻ അന്താരാഷ്ട്ര പ്രദർശനം ആരംഭിച്ചത് മുതൽ കൈവരിച്ച തുടർച്ചയായ വിജയത്തെയും ഈ വർഷത്തെയും മുൻ വർഷങ്ങളിലെയും പതിപ്പുകളിൽ ലഭിച്ച വിപുലമായ അന്താരാഷ്ട്ര പങ്കാളിത്തത്തെയും ഷെയ്ഖ് നാസർ പ്രശംസിച്ചു.

Content Highlights: Mara'ei 2026 international exhibition inaugurated by Sheikh Nasser bin Hamad, Praised the efforts of the Ministry of Municipalities Affairs and Agriculture, Highlighted the continuous success and wide international participation in Mara'ei editions