ഇരിപ്പിടത്തിൽ റേഡിയേഷൻ, നേഴ്‌സിനെ വിലയ്ക്കെടുത്തു; ഷാവേസിനെ അമേരിക്ക വധിച്ചതോ?

ഒരു രാത്രി ഇരുട്ടി വെളുക്കുമ്പോഴേക്കും അയൽരാജ്യമായ വെനസ്വേലയിൽ കടന്നുകയറി പ്രസിഡന്റിനെയും ഭാര്യയെയും തട്ടിക്കൊണ്ടുവന്ന അമേരിക്കൻ നീക്കത്തിത്തിനു മേൽ പകച്ചുനിൽക്കുകയാണ് ലോകം. ട്രംപ് ഭരണകൂടം എന്തൊക്കെ ന്യായങ്ങൾ നിരത്തിയാലും വെനസ്വേലയിലെ എണ്ണസമ്പത്തിലാണ് അമേരിക്കയുടെ 'ജനാധിപത്യ' താൽപര്യങ്ങൾ അവസാനിക്കുക എന്നത് ട്രംപ് അനുകൂലികൾക്ക് പോലും ഉറപ്പാണ്. വെനസ്വേലയിൽ ആദ്യമായി കണ്ണുവെക്കുന്ന അമേരിക്കൻ ഭരണാധികാരി ട്രംപല്ല എന്നുള്ളതാണ് മറ്റൊരു വസ്തുത. ട്രംപിനും പതിറ്റാണ്ടുകൾക്ക് മുൻപ് തന്നെ അമേരിക്ക വെനസ്വേലയിൽ കടന്നുകയറാനുള്ള ശ്രമങ്ങൾ ആരംഭിച്ചിരുന്നു. വെനസ്വേലയിൽ അസ്ഥിരതയുണ്ടാക്കാനും സർക്കാരുകളെ അട്ടിമറിക്കാനുമായി രഹസ്യാന്വേഷണ വിഭാഗമായ സിഐഎയുടെ നേതൃത്വത്തിൽ അമേരിക്ക പലതരത്തിലുള്ള ഇടപെടലുകൾ വെനസ്വേലയിൽ നടത്തിയിട്ടുണ്ട്. എന്നാൽ ഹ്യൂഗോ ഷാവേസെന്ന ജനകീയനായ സോഷ്യലിസ്റ്റ് ഭരണാധികരിയുടെ ചെറുത്തുനിൽപ്പുകളാണ് അമേരിക്കയുടെ വെനസ്വേലൻ താൽപര്യങ്ങൾക്ക് വിലങ്ങുതടിയായി നിന്നത്. ഒടുവിൽ 58-ാമത്തെ വയസ്സിൽ കാൻസർ വന്ന് ഷാവേസ് മരിച്ച് വെറും പതിമൂന്ന് വർഷം പിന്നിടുമ്പോൾ അമേരിക്ക വെനസ്വേലയിൽ കടന്നുകയറിയിരിക്കുന്നു. ലോകമ്പാടുമുള്ള സാമ്രാജ്യത്വ വിമർശകരും സോഷ്യലിസ്റ്റുകളും കഴിഞ്ഞ പതിമൂന്ന് വർഷമായി ചോദിച്ചുകൊണ്ടിരിക്കുന്ന ഒരു ചോദ്യം ഇപ്പോൾ വീണ്ടും പ്രസക്തമാകുകയാണ്. വെനസ്വേലൻ ജനതയുടെ വീരനായകൻ ഹ്യൂഗോ ഷാവേസിന്റെ മരണം സ്വാഭാവിക മരണമായിരുന്നോ? അതോ കൊലപാതകമോ?

ആരായിരുന്നു ഷാവേസ്?

Content Highlights: Explore the controversial circumstances surrounding Hugo Chávez`s death. Was it natural, or was there a sinister plot? Uncover the geopolitical forces at play.