ജെന് സീ വിപ്ലവം നേപ്പാളും മഡഗാസ്കറും കടന്ന് ഇനിയെങ്ങോട്ട്?
കഴിഞ്ഞ മാസം നേപ്പാളില് അരങ്ങേറിയ ജെന്സീ വിപ്ലവം ആ രാജ്യത്തെ മാത്രമല്ല, ലോകത്തെയൊന്നാകെ പിടിച്ചുകുലുക്കിയിരുന്നു. സോഷ്യല് മീഡിയ നിരോധനത്തിലായിരുന്നു അതിന്റെ തുടക്കം. പിന്നീടത് ഭരണ നേതൃത്വത്തിന്റെ കഴിവില്ലായ്മയ്ക്കും അഴിമതിക്കുമെതിരെയുള്ള പോരാട്ടമായി വളർന്നു. ഒടുക്കം അധികാരവും പണവുമുണ്ടെങ്കില് എന്തും നേടാമെന്ന രാഷ്ട്രീയ ഭരണ നേതൃത്വത്തിന്റെ അഹന്തയ്ക്കേറ്റ തിരിച്ചടിയായി.
നേപ്പാളിലെ ആഭ്യന്തര കലാപത്തിന് ശേഷം ഇപ്പോള് കിഴക്കന് ആഫ്രിക്കന് രാജ്യമായ മഡഗാസ്ക്കറും ജെന്സീ വിപ്ലവത്തിന്റെ ചൂടറിഞ്ഞിരിക്കുകയാണ്. സമരക്കാര്ക്ക് മുന്നില് പിടിച്ചുനില്ക്കാനാവാതെ മഡഗാസ്കര് പ്രസിഡന്റ് ആന്ഡ്രി രജോലിനയ്ക്ക് നാടുവിട്ട് ഓടിപ്പോകേണ്ടി വന്നിരിക്കുന്നു. ഒരിക്കല് മറ്റൊരു സൈനിക അട്ടിമറിയിലൂടെ അധികാരത്തിലേറിയ രജോലിനയ്ക്ക് അതേ സൈനിക അട്ടിമറിയിലൂടെ തിരിച്ചടി നേരിടേണ്ടി വന്നു.
Content Highlights: Explore the Gen Z uprisings in Nepal and Madagascar