'ഞങ്ങൾ യെസ് പറഞ്ഞു'; പ്രണയദിനത്തിൽ എൻഗേജ്ഡ് ആയെന്ന് വെളിപ്പെടുത്തി ജിഷിനും അമേയയും

മിനിസ്‌ക്രീനില്‍ ഏറെ ആരാധകരുള്ള താരങ്ങളാണ് ജിഷിനും അമേയയും. കഴിഞ്ഞ കുറച്ചുനാളുകളായി ഇരുവരും പ്രണയത്തിലാണെന്നത് ഗോസിപ്പ് കോളങ്ങളിലെ സ്ഥിരം വാര്‍ത്തയായിരുന്നു. ഇപ്പോഴിതാ തങ്ങള്‍ എന്‍ഗേജ്ഡ് ആയി എന്ന് വെളിപ്പെടുത്തിയിരിക്കുകയാണ് ഇരുവരും.

'ഞാന്‍ യെസ് പറഞ്ഞു,അവനും. എന്‍ഗേജ്ഡ്. ഹാപ്പി വാലന്റൈന്‍സ് ഡേ. പ്രപഞ്ചത്തിന് നന്ദി'. അമേയ കുറിച്ചു. 

മൂന്നു വര്‍ഷത്തോളമായി ജിഷിന്‍ വിവാഹമോചിതനാണ്. സിനിമാ-സീരിയല്‍ താരം വരദയെയായിരുന്നു ജിഷിന്‍ വിവാഹം ചെയ്തിരുന്നത്. ഇതിനു ശേഷം കഴിഞ്ഞ ഒരു വര്‍ഷമായാണ് ജിഷിന്റെ പേരിനൊപ്പം അമേയയുടെ പേരും ചേര്‍ത്ത് ഗോസിപ്പുകളിറങ്ങിയിരുന്നത്. സമീപകാലത്ത് സോഷ്യല്‍ മീഡിയയിലും പാപ്പരാസികള്‍ക്കിടയിലും ഏറ്റവുമധികം ചര്‍ച്ചയായതും ഇരുവരുടെയും പേരുകളായിരുന്നു

Content Highlights: Jishin and Ameya announce their engagement