എസ്.എസ് രാജമൗലി തിങ്കളാഴ്ച കൊച്ചിയിൽ, ഫഹദ് ഫാസിൽ ചിത്രം Don’t Trouble The Trouble പ്രീ റിലീസ് ഇവന്റ് വൈകീട്ട് ലുലു മാളിൽ
ഇന്ത്യൻ സിനിമയുടെ അഭിമാനമായ സംവിധായകൻ എസ്.എസ്. രാജമൗലി തിങ്കളാഴ്ച കൊച്ചിയിൽ. ഫഹദ് ഫാസിൽ ചിത്രം 'ഡോണ്ട് ട്രബിൾ ദി ട്രബിളി'ന്റെ പ്രീ റിലീസ് ഇവെന്റിന്റെ ഭാഗമായി തിങ്കളാഴ്ച വൈകുന്നേരം 6 മണിക്ക് കൊച്ചി ലുലു മാളിൽ നടക്കുന്ന ചടങ്ങിൽ മുഖ്യാതിഥിയായി രാജമൗലി പങ്കെടുക്കും. ഇന്ത്യൻ സിനിമയിൽ 25 വർഷങ്ങൾ പൂർത്തിയാക്കിയ രാജമൗലിയാണ് 'ഡോണ്ട് ട്രബിൾ ദി ട്രബിൾ' പ്രേക്ഷകർക്കായി അവതരിപ്പിക്കുന്നതും. ചിത്രം ഒക്ടോബർ രണ്ടിന് ലോകവ്യാപകമായി തിയേറ്ററുകളിലേക്കെത്തും.
നവാഗതനായ ശശാങ്ക് യെലേട്ടി ആണ് ഡോണ്ട് ട്രബിൾ ദി ട്രബിൾ സംവിധാനം ചെയ്യുന്നത്. ബാഹുബലി ഉൾപ്പെടെയുള്ള ബ്രഹ്മാണ്ഡ ചിത്രങ്ങളുടെ നിർമ്മാതാക്കളായ ആർക്കാ മീഡിയ വർക്ക്സും ചിത്രത്തിന്റെ നിർമ്മാണത്തിൽ പങ്കാളികളാണ്. ആർക്ക മീഡിയ വർക്ക്സ്, ഷോയിംഗ് ബിസിനസ് എന്നീ ബാനറുകളുടെ കീഴിൽ ഷോബു യാർലഗഡ്ഡ, പ്രസാദ് ദേവിനേനി, എസ്. എസ്. കാർത്തികേയ എന്നിവരാണ് ചിത്രത്തിന്റെ നിർമ്മാതാക്കൾ. കലാമൂല്യമുള്ളതും പ്രേക്ഷക-നിരൂപക പ്രശംസകൾ നേടിയ ചിത്രങ്ങൾ മലയാളികൾക്ക് സമ്മാനിച്ച ഭാവനാ സ്റ്റുഡിയോസിന്റെ ഭാവനാ റിലീസ് ഡോണ്ട് ട്രബിൾ ദി ട്രബിൾ കേരളത്തിലെ തിയേറ്ററുകളിലേക്കെത്തിക്കുന്നു. നേരത്തെ റിലീസായ ഡോണ്ട് ട്രബിൾ ദി ട്രബിളിന്റെ ടീസറും ഗാനവും സോഷ്യൽ മീഡിയയിൽ തരംഗമായിരുന്നു.
Also Read: ആദ്യം RRR കണ്ടു, ഭാര്യയേയും കൂട്ടിവന്ന് ‘ഈച്ച’യും; രാജമൗലിയെ ഞെട്ടിച്ച് സംവിധായകൻ കോസ്റ്റ ഗാവ്റിസ്
ഫാന്റസി ഫാമിലി എന്റർടെയ്നെർ ചിത്രമായ ഡോണ്ട് ട്രബിൾ ദി ട്രബിളിൽ തന്റെ പതിവ് ശൈലിയിൽ നിന്നും വ്യത്യസ്തമായ കഥാപാത്രത്തെയാണ് ഫഹദ് ഫാസിൽ ചിത്രത്തിൽ അവതരിപ്പിക്കുന്നത്. ബാലതാരമായ സാറയുടെ പ്രകടനവും ചിത്രത്തിലെ പ്രധാന ആകർഷണങ്ങളിലൊന്നാണ്. ചിത്രം മലയാളം, തെലുങ്ക്, ഹിന്ദി ഭാഷകളിൽ റിലീസാകും.കാലഭൈരവയാണ് ചിത്രത്തിന് സംഗീതവും പശ്ചാത്തല സംഗീതവും ഒരുക്കുന്നത്.ചിത്രത്തിന്റെ സ്ക്രിപ്റ്റ് ഡെവലപ്മെന്റ് എസ്. എസ്. കാഞ്ചിയും, കോ-റൈറ്റർ ഹംസ അലിയുമാണ്. ബാലാജി സുബ്രഹ്മണ്യം ഛായാഗ്രഹണം നിർവഹിക്കുമ്പോൾ പ്രവീൺ ആന്റണി എഡിറ്റിംഗ് കൈകാര്യം ചെയ്യുന്നു.
Also Read: ബാഹുബലി ഇറങ്ങിയതിനുശേഷം മൂന്നുവർഷത്തോളം ശരിക്ക് ഉറങ്ങിയില്ല, ജീവിതത്തിൽ സമ്മർദ്ദം കൂടി -പ്രഭാസ്
സുധൻ കൊറിയോഗ്രഫിയും, രമാ രാജമൗലി കോസ്റ്റ്യൂം ഡിസൈനും സ്റ്റൈലിംഗും നിർവഹിക്കുന്നു.എസ്. എസ്. ശശാങ്ക് എക്സിക്യൂട്ടീവ് പ്രൊഡ്യൂസറും, ഡി. സതീഷ് കുമാർ പ്രൊഡക്ഷൻ എക്സിക്യൂട്ടീവും, രാഹുൽ ഷാലി ലൈൻ പ്രൊഡ്യൂസറും, ഡി. യോഗാനന്ദ് പ്രൊഡക്ഷൻകൺട്രോളറുമാണ്. പി ആർ ഓ : പ്രതീഷ് ശേഖർ.
Content Highlights: Renowned director S.S. Rajamouli will attend as the chief guest for the pre-release event of Fahadh Faasil's upcoming fantasy family entertainer Dont Trouble The Trouble at Lulu Mall in Kochi, ahead of its grand multi-language release on October 2.