ഈണങ്ങളൊഴുകിയ വീഥിക്ക് ഇനി MSV-യുടെ പേര്; മെല്ലിശൈ മന്നന്റെ ‘വിശ്വകീർത്തി’യുടെ ഓർമകളിലേക്കൊരു യാത്ര

ഹൃദയഹാരിയായ എത്രയോ ഈണങ്ങൾ ഒഴുകിനടന്ന വീഥിയാണത്. ചെന്നൈ സാന്തോമിലെ ഡിമോണ്ടെ റോഡ്. ഈ വീഥിയിലൂടെയായിരുന്നു കാൽ നൂറ്റാണ്ടോളം മുൻപ് മെല്ലിശൈ മന്നന്റെ വസതിയായ 'വിശ്വകീർത്തി'യിലേക്കുള്ള ആദ്യയാത്ര. കൂട്ടിക്കൊണ്ടുപോയത് സാക്ഷാൽ ഭാവഗായകനും.

ഇനി മുതൽ അതേ വീഥി അറിയപ്പെടുക മെല്ലിശൈ മന്നൻ എം.എസ്. വിശ്വനാഥൻ ശാലൈ എന്നാണ്. പുനർനാമകരണം നിർവഹിച്ചത് എം.എസ്.വിയുടെ അടിയുറച്ച ആരാധകൻ കൂടിയായ തമിഴ്നാട് മുഖ്യമന്ത്രി എം.കെ സ്റ്റാലിൻ. 'എം.എസ്.വിയും കവിഞ്ജർ കണ്ണദാസനുമൊക്കെ കാറിൽ കടന്നുപോകുന്നതു കാണാൻ ആരാധനയോടെ എത്രയോ വട്ടം കാത്തുനിന്നിട്ടുണ്ട്. എന്നെങ്കിലുമൊരിക്കൽ അവരുടെ പാട്ടുകൾ പാടാൻ ഭാഗ്യമുണ്ടാകുമെന്ന് സങ്കൽപിച്ചിട്ടില്ല അന്നൊന്നും...' -വിശ്വകീർത്തിയിലേക്കുള്ള യാത്രാമധ്യേ ഗൃഹാതുരത്വത്തോടെ ജയചന്ദ്രൻ പങ്കുവെച്ച ഓർമ്മ മനസ്സിലുണ്ടിപ്പോഴും.

Content Highlights: Tamil Nadu CM M.K. Stalin has renamed Chennai’s De Monte Road to honor the 'Mellisai Mannan' M.S. Viswanathan. In this evocative tribute, Ravi Menon revisits a nostalgic journey to the legend's home alongside singer P. Jayachandran, recalling the birth of the classic "Suprabhatham" from Pani Theeratha Veedu and the golden era of South Indian film music.