ഗാനങ്ങളില്ല, പക്ഷേ, അടൂരിന്റെ സ്വയംവരത്തിൽ യേശുദാസും ജാനകിയുമുണ്ട്

പ്രണയം വഴിഞ്ഞൊഴുകുന്ന അന്തരീക്ഷം. പശ്ചാത്തലത്തിൽ അലയടിച്ചുയരുന്ന തിരമാലകളുടെ ദൃശ്യഭംഗി. കടലോരത്തുകൂടി കൈകോർത്തു നടന്ന് മധുവിധു ആഘോഷിക്കുന്ന നവദമ്പതികളുടെ ചുണ്ടിൽ പ്രണയാർദ്രമായ ഒരു പാട്ടിന്റെ ശീലുകൾ കൂടിയുണ്ടെങ്കിൽ എല്ലാം തികഞ്ഞു. അതായിരുന്നല്ലോ അന്നത്തെ നാട്ടുനടപ്പ്.

എന്നാൽ അടൂർ ഗോപാലകൃഷ്ണൻ ആ പതിവ് തെറ്റിച്ചു. സ്വന്തം സിനിമയിൽ പാട്ടുകൾ വേണ്ടെന്ന് നേരത്തെ തീരുമാനിച്ചിരുന്നു അദ്ദേഹം. പകരം മധുരോദാരമായ ഒരു ഹമ്മിംഗിലൂടെ "സ്വയംവര"ത്തിലെ വിശ്വത്തിന്റേയും സീതയുടെയും ഹൃദയവികാരങ്ങൾ ഒപ്പിയെടുത്ത് അവതരിപ്പിച്ചു. "സംഗീതസംവിധായകൻ എംബിഎസ്സിന്റെ ആശയമായിരുന്നു ആ ഹമ്മിംഗ്."-അടൂർ ഓർക്കുന്നു." പ്രണയരംഗത്തിന്റെ പശ്ചാത്തലത്തിൽ മനോഹരമായ ഒരു ഹമ്മിംഗ് വന്നാൽ അതൊരു പാട്ടിന്റെ എഫക്ട് കൊണ്ടുവരുമെന്ന് തോന്നിയിരിക്കണം എംബിഎസ്സിന്."

Content Highlights: Master auteur Adoor Gopalakrishnan recalls how iconic composer MBS used pure humming instead of songs for romance in Swayamvaram, while also revealing the forgotten story of his intended debut film Kamuki.