രാഘവന്റേത് കൂടിയാണ് ആ ചക്രവർത്തിനി

കൊല്ലം നഗരത്തിലൂടെ വല്ലപ്പോഴുമൊക്കെ കടന്നുപോകുമ്പോൾ യുഗങ്ങൾക്കപ്പുറത്തു നിന്ന് ഒരു "ചക്രവർത്തിനി"യുടെ നേർത്ത പദനിസ്വനം കേൾക്കാറുണ്ട് രാഘവൻ. ഈ പരിസരത്തെ ഏതോ കെട്ടിടത്തിലാണല്ലോ "ചെമ്പരത്തി"യിലെ ആ വിശ്രുത ഗാനം ചിത്രീകരിക്കപ്പെട്ടത്. എഴുതിയ വയലാറും ഈണമിട്ട ദേവരാജൻ മാസ്റ്ററും ചിത്രീകരിച്ച സംവിധായകൻ പി എൻ മേനോനും നിർമ്മാതാവ് എസ്‌ കെ നായരും കൂടെയഭിനയിച്ച സുധീറുമെല്ലാം ഓർമ്മ. പക്ഷേ "ചക്രവർത്തിനി"ക്ക് ഇന്നും മധുരപ്പതിനേഴ് തന്നെ; പിറന്നുവീണ് അര നൂറ്റാണ്ട് പിന്നിട്ടിട്ടും.

യാത്രാവേളകളിൽ നിനച്ചിരിക്കാതെ ചക്രവർത്തിനിയുടെ ഈരടികൾ കാതിൽ വന്നുവീഴുമ്പോൾ ആദ്യമായി ആ കവിത വായിച്ചു മതിമറന്ന നിമിഷങ്ങൾ ഓർമ്മവരും രാഘവന്. വയലാർ രാമവർമ്മയുടെ കൈപ്പടയിലുള്ള വരികൾ. "വയലാറിനെ നേരത്തെ അറിയാം. ഇടയ്ക്കിടെ ഷൂട്ടിംഗ് ലൊക്കേഷനിൽ വരാറുണ്ടായിരുന്നു അദ്ദേഹം. പടത്തിന്റെ നിർമാതാവായിരുന്ന എസ് കെ നായരുടെ ഉറ്റ സുഹൃത്താണ്. മുൻപും അദ്ദേഹത്തിന്റെ പാട്ടുകൾ സിനിമയിൽ പാടി അഭിനയിച്ചിട്ടുണ്ടെങ്കിലും, ചക്രവർത്തിനിയുടെ സൗന്ദര്യം ഒന്നു വേറെ തന്നെയായിരുന്നു. കാൽപനിക ബിംബങ്ങളുടെ ഒരു ഘോഷയാത്ര: