വെട്ടിപ്പിടിക്കാൻ റിലയൻസ്: പരമ്പരാഗത ബ്രാൻഡുകളും മുൻനിര കമ്പനികളും കീഴിലാക്കി കുതിപ്പ്

ഉപഭോക്തൃ വിപണിയിൽ സാന്നിധ്യമുറപ്പിക്കാനുള്ള എളുപ്പവഴി നിലവിലെ ബ്രാൻഡുകൾ ഏറ്റെടുക്കുകയെന്നതാണ്. ഒരു കാലത്ത് രാജ്യത്തെ സാംസ്‌ക്കാരത്തിന്റെ ഭാഗമായി കരുതിയിരുന്ന കാംപ, ബിപിഎൽ, കെൽവിനേറ്റർ തുടങ്ങിയ ബ്രാൻഡുകൾ ഏറ്റെടുത്ത് നവീകരിക്കുന്നതിലൂടെ പുതുവിപണന തന്ത്രം സൃഷ്ടിക്കുകയാണ് റിലയൻസ്. ഡിജിറ്റൽ ലോകത്ത് ജിയോ തരംഗമായതിന് പിന്നാലെയാണ് ഉപഭോക്തൃ ഉത്പന്ന മേഖലയിൽ മറ്റൊരു പരീക്ഷണത്തിന് റിലയൻസ് തയ്യാറെടുക്കുന്നത്.

ഗൃഹാതുരതയിൽ നോട്ടമിട്ട്: കാംപ, ബിപിഎൽ, കെൽവിനേറ്റർ തുടങ്ങിയ പഴയ ബ്രാൻഡുകളുമായി ഇന്ത്യൻ ഉപഭോക്താക്കൾക്കുള്ള വൈകാരിക ബന്ധത്തെയാണ് റിലയൻസ് സമർത്ഥമായി ഉപയോഗിക്കുന്നത്. ഈ ബ്രാൻഡുകൾ പഴയ തലമുറയുടെ ഓർമ്മകളിൽ ഇടംപിടിച്ചവയായതുകൊണ്ട് തന്നെ പുതിയതായി വിപണിയിലെത്തുമ്പോൾ ഉപഭോക്താക്കളുമായി വളരെ പെട്ടെന്ന് ബന്ധം സ്ഥാപിക്കാൻ സാധിക്കുന്നു.

Content Highlights: Reliance buys legacy brands like Campa, BPL, Kelvinator to win the consumer market. Learn their strategy of nostalgia, low prices, and wide distribution.