വേദിയിൽ ഡോൺ എത്തി; മുൻഭാര്യ മാഹി വിജെയ്ക്ക് പിന്തുണയുമായി ജയ് ഭാനുശാലി

ടെലിവിഷൻ പ്രേക്ഷകർ ഏറെ ആകാംക്ഷയോടെ കാത്തിരുന്ന റിയാലിറ്റി ഷോയായ 'ബിഗ് ബോസ് സീസൺ 20' ന് തുടക്കമായിരിക്കുകയാണ്. സൽമാൻ ഖാൻ അവതാരകനായെത്തുന്ന ഈ പ്രശസ്തമായ ഷോയിലേക്ക് പതിനാറാമത്തെ മത്സരാർത്ഥിയായാണ് പ്രശസ്ത ടെലിവിഷൻ താരം മാഹി വിജ് അങ്കത്തട്ടിലേക്ക് എത്തിയത്. വർഷങ്ങളായി ബിഗ് ബോസിൽ നിന്ന് മാറിനിന്നിരുന്ന മാഹി ഇത്തവണ ബിഗ് ബോസ് വീടിന്റെ പടിവാതിൽ കടന്നപ്പോൾ, ഏറ്റവും ആവേശകരമായ പിന്തുണയുമായി എത്തിയത് മറ്റാരുമല്ല, മുൻ ഭർത്താവും നടനുമായ ജയ് ഭാനുശാലിയാണ്.

ടെലിവിഷൻ പരമ്പരകളിലൂടെ പ്രേക്ഷകർക്ക് പ്രിയങ്കരിയാണ് മാഹി വിജ്. ഹിന്ദി ബിഗ് ബോസിലേയ്ക്ക് ഇത്തവണ മത്സരാർത്ഥിയായി മഹിയുമുണ്ട്. അതിൽ ഏറ്റവും ആവേശകരമായ പിന്തുണയുമായെത്തിയിരിക്കുന്നത് മുൻഭർത്താവും നടനുമായി ജയ് ഭാനുശാലിയാണ്. വിവാഹമോചനത്തിനു ശേഷവും പരസ്പരം കാത്തുസൂക്ഷിക്കുന്ന മനോഹരമായ സൗഹൃദത്തിന്റെ ഉദാഹരണമായി മാറിയിരിക്കുകയാണ് ഈ പിന്തുണ. മാഹിയുടെ ബിഗ് ബോസ് പ്രൊമോ വീഡിയോ സോഷ്യൽ മീഡിയയിൽ പങ്കുവെച്ചുകൊണ്ട് ജയ് കുറിച്ച വാക്കുകളാണ് ഇപ്പോൾ ആരാധകർ ഏറ്റെടുത്തിരിക്കുന്നത്.

ആവേശത്തോടെ ജയ് ഭാനുശാലി

മഹി വിജെയുടെ ബിഗ് ബോസ് പ്രവേശനം പങ്കുവെച്ചുകൊണ്ട് 'വീട്ടിൽ ഡോൺ എത്തിക്കഴിഞ്ഞു! ഓൾ ദി ബെസ്റ്റ്, തകർക്കൂ താരയുടെ അമ്മേ' എന്നാണ് ജയ് ഭാനുശാലി തന്റെ ഇൻസ്റ്റാഗ്രാം പേജിൽ കുറിച്ചത്. മാഹിയുടെയും ജയിന്റെയും മകളായ താരയുടെ പേര് പരാമർശിച്ചുകൊണ്ടുള്ള ഈ ആശംസാക്കുറിപ്പ് നിമിഷനേരം കൊണ്ടാണ് സോഷ്യൽ മീഡിയയിൽ തരംഗമായത്.വർഷങ്ങളായി നീണ്ട ദാമ്പത്യബന്ധം വേർപെടുത്തിയെങ്കിലും, പരസ്പര ബഹുമാനത്തോടെയും സ്‌നേഹത്തോടെയും മുന്നോട്ടുപോകാൻ കഴിയുമെന്ന സന്ദേശമാണ് ഇരുവരും ഇതിലൂടെ നൽകുന്നത്.

സൗഹൃദത്തോടെയുള്ള വേർപിരിയൽ

2011-ലായിരുന്നു ജയ് ഭാനുശാലിയും മാഹി വിജയും വിവാഹിതരായത്. എന്നാൽ 14 വർഷത്തെ ദാമ്പത്യജീവിതത്തിന് ശേഷം 2026 ജനുവരിയിലാണ് ഇരുവരും ഔദ്യോഗികമായി വിവാഹമോചനം പ്രഖ്യാപിച്ചത്. വേർപിരിയൽ പ്രഖ്യാപിച്ച സമയത്ത് ഇരുവരും സംയുക്തമായി പുറത്തിറക്കിയ പ്രസ്താവന ഏറെ ശ്രദ്ധ നേടിയിരുന്നു.

'ജീവിതയാത്രയിൽ ഞങ്ങൾ രണ്ടു വഴികളിലേക്ക് തിരിയാൻ തീരുമാനിക്കുകയാണ്. എങ്കിലും പരസ്പരം നൽകുന്ന പിന്തുണയും കരുത്തും തുടർന്നും ഉണ്ടാകും. സമാധാനവും വളർച്ചയും കരുണയുമാണ് ഞങ്ങൾ എപ്പോഴും മുൻഗണന നൽകുന്ന കാര്യങ്ങൾ. ഞങ്ങളുടെ മക്കളായ താരാ, ഖുഷി, രാജ്വീർ എന്നിവർക്ക് നല്ല മാതാപിതാക്കളായും ഏറ്റവും നല്ല സുഹൃത്തുക്കളായും ഞങ്ങൾ എന്നും ഒപ്പമുണ്ടാകും. ഈ തീരുമാനത്തിൽ വില്ലന്മാരോ മറ്റ് നെഗറ്റിവിറ്റിയോ ഇല്ല,' എന്നായിരുന്നു അവർ അന്ന് വ്യക്തമാക്കിയിരുന്നത്.

കഴിഞ്ഞ കുറേ വർഷങ്ങളായി ബിഗ് ബോസിലേക്ക് ക്ഷണം ലഭിക്കാറുണ്ടായിരുന്നെങ്കിലും മാഹി അത് നിരസിക്കുകയായിരുന്നു. എന്നാൽ ഇത്തവണ എന്തുകൊണ്ടാണ് ഈ തീരുമാനത്തിലെത്തിയതെന്ന് മാഹി മുൻപ് നൽകിയ അഭിമുഖത്തിൽ വെളിപ്പെടുത്തിയിരുന്നു.എങ്കിലും പല കാരണങ്ങളാൽ ഞാൻ ഇതിൽ പങ്കെടുക്കാൻ മടിച്ചിരുന്നു. ഇത്തവണയാണ് അതിനുള്ള ശരിയായ സമയം വന്നത്. ബിഗ് ബോസിൽ പങ്കെടുക്കുന്നതിനെക്കുറിച്ച് ഞാൻ ജയിനോട് സംസാരിച്ചിരുന്നു. എന്റെ കരിയറിലെ എല്ലാ പ്രധാന തീരുമാനങ്ങളും ഞാൻ അദ്ദേഹവുമായി പങ്കുവെക്കാറുണ്ട്,' എന്ന് മാഹി വെളിപ്പെടുത്തി.

നേരത്തെ ജയ് ഭാനുശാലി ബിഗ് ബോസ് സീസൺ 15-ൽ മത്സരാർത്ഥിയായി എത്തിയിരുന്നു. അന്ന് കുഞ്ഞുമകൾ താരയെ ഓർത്ത് ജയ് വിങ്ങിപ്പൊട്ടിയ രംഗങ്ങൾ പ്രേക്ഷകരുടെ മനസ്സ് അലിയിച്ചിരുന്നു. എന്നാൽ ഇന്ന് മകൾ കുറച്ചുകൂടി മുതിർന്നെന്നും, അവൾ കാര്യങ്ങൾ മനസ്സിലാക്കുന്ന മിടുക്കിയാണെന്നും മാഹി കൂട്ടിച്ചേർത്തു.

Content Highlights: Mahhi Vij entered Bigg Boss Season 20 as the 16th contestant., Ex-husband Jay Bhanushali shared a heartwarming promotional post to support her., The couple officially divorced in January 2026 after 14 years of marriage, maintaining a healthy friendship and co-parenting dynamic., Mahhi discussed her decision to finally join the reality show and her consultations with Jay.