2550 കോടിയുടെ കൊട്ടാരവും സ്വര്ണം പൂശിയ കാറുമുള്ള രാജകുമാരന് സാധാരണക്കാരിയെ ജീവിതസഖിയാക്കിയ കഥ
കുട്ടിക്കാലത്ത് സിന്ഡ്രെല്ലയുടെ കഥ കേള്ക്കാത്തവരായി ആരുമുണ്ടാകില്ല. രണ്ടാനമ്മയുടെ ക്രൂരത സഹിച്ചുകഴിയുന്ന സിന്ഡ്രെല്ല എന്നെ പെണ്കുട്ടി അപ്രതീക്ഷിതമായി രാജകുമാരിയാകുന്ന കഥ. അന്ന് സിന്ഡ്രല്ലയെ ജീവിതത്തിലേക്ക് കൈപിടിച്ചുകയറ്റാന് ഒരു രാജകുമാരന് വന്നു. അങ്ങനെയവള് ആ രാജ്യത്തിന്റെ രാജകുമാരിയായി മാറി. ഈ കഥ കേള്ക്കുമ്പോള് ഓരോ പെണ്കുട്ടിയുടേയും മനസില് ഒരു രാജകുമാരന്റെ ചിത്രം തെളിഞ്ഞുവരും. കുതിരപ്പുറത്ത് തന്നെ തേടിവരുന്ന ഒരു രാജകുമാരനെ അവള് സ്വപ്നം കാണും. ഈ കഥയും സ്വപ്നവുംപോലെ ഒരു രാജകുമാരന് ഒരു സാധാരണ പെണ്കുട്ടിയെ സ്വന്തം രാജ്യത്തിന്റെ രാജകുമാരിയായി മാറ്റിയിരിക്കുകയാണ്.
ബ്രൂണെയിലാണ് ഈ മനോഹര സംഭവം നടന്നിരിക്കുന്നത്. ബ്രൂണൈ രാജകുമാരന് അബ്ദുള് മതിനാണ് ഇതിലെ നായകന്. നായികയാകട്ടെ രാജകീയ പാരമ്പര്യങ്ങളൊന്നുമില്ലാത്ത യാങ് മുലിയ അനിഷ റോസ്നാഹ് എന്ന പെണ്കുട്ടിയും. ഏഷ്യയിലെ ഏറ്റവും യോഗ്യനായ അവിവാഹിതന് എന്നാണ് മതിനെ വിശേഷപ്പിക്കുന്നത്. കോടിക്കണക്കിന് രൂപ ആസ്തിയുള്ള, 25 ലക്ഷത്തില് കൂടുതല് ഇന്സ്റ്റഗ്രാം ഫോളോവേഴ്സുള്ള അദ്ദേഹത്തെ ആരാധിക്കുന്ന നിരവധി പെണ്കുട്ടികള് ലോകത്തിന്റെ വിവിധ ഭാഗങ്ങളിലുണ്ട്. അതു മാത്രമല്ല, ഒന്നാന്തരം പോളോ കളിക്കാരന് കൂടിയാണ് ഈ രാജകുമാരന്.
Content Highlights: brunei prince abdul mateen love story and marriage