യൂസുഫ് പഠാനുവേണ്ടി പത്ത് വര്ഷത്തെ പ്രണയം 'ത്യജിച്ച' ഇര്ഫാന്; ഒടുവില് ജീവിതസഖിയായത് സൗദി മോഡല്
പത്തൊമ്പതാം വയസില് ഇന്ത്യന് ക്രിക്കറ്റ് ടീമില് അരങ്ങേറ്റം കുറിച്ച താരമാണ് ഇർഫാൻ പഠാന്. രണ്ടായിരത്തിന്റെ തുടക്കം മുതല് ഇന്ത്യന് പെണ്കുട്ടികളുടെ മനസില് ഇടം കണ്ടെത്തിയ സുന്ദരന്. പഠാന് ബൗള് ചെയ്യാന് തുടങ്ങുമ്പോഴേക്കും ഗാലറികളിലുള്ള പെണ്കുട്ടികളിലേക്ക് ക്യാമറക്കണ്ണുകള് തിരിയും. 'ഐ ലവ് യൂ പഠാന്', 'വില് യു മാരി മീ പഠാന്' എന്നെല്ലാം എഴുതിയ കാര്ഡുകള് പിടിച്ചായിരിക്കും ഗാലറികളില് ഈ ആരാധികമാരുടെ നില്പ്പ്.
എന്നാല്, ഇന്ത്യന് ജഴ്സിയെന്ന സ്വപ്നസാക്ഷാത്കരത്തിന് പിന്നാലെ പഠാന്റെ മനസ് കീഴടക്കിയ ഒരു പെണ്കുട്ടിയുണ്ടായിരുന്നു. പഠാനെ വിവാഹം ചെയ്യാന് ആഗ്രഹിക്കുന്ന ആരാധികമാര്ക്കോ സഹതാരങ്ങള്ക്കോ പോലും അറിയാത്തൊരു പ്രണയം. 2003-ല് ഓസ്ട്രേലിയയില്വെച്ചായിരുന്നു ഇരുവരുടേയും ആദ്യ കൂടിക്കാഴ്ച്ച. ശിവാംഗി ദേവ് എന്നായിരുന്നു ആ പെണ്കുട്ടിയുടെ പേര്. വിവാഹത്തിന്റെ പടിവാതില്ക്കല് വരെ എത്തിയ ആ ബന്ധത്തിന് പത്ത് വര്ഷത്തെ ആയുസ്സേ ഉണ്ടായിരുന്നുള്ളു. അരങ്ങേറ്റ മത്സരം മുതല് വിടവാങ്ങല് മത്സരം വരെ നീണ്ടുനിന്ന പ്രണയം.
Content Highlights: cricketer irfan pathan love story