ഈ ചൂടുകാലത്ത് അവർക്കും കരുതൽ വേണം; അറിയണം ആൽബിനിസം ബാധിതരെ, ഉത്തരവാദിത്തം നമ്മുടേത് കൂടിയാണ്

ശരത് തേനുമൂല | ഫോട്ടോ: ജെയ്വിൻ ടി. സേവ്യർ
ശരത് തേനുമൂല | ഫോട്ടോ: ജെയ്വിൻ ടി. സേവ്യർ

ചൂട് വളരെ കൂടുതലാണ്. വെയിലത്ത് ഇറങ്ങി നടക്കാനോ വീടിനുള്ളിൽ ഫാനോ എ.സിയോ കൂടാതെ ഇരിക്കാനോ കഴിയാത്ത സാഹചര്യം. പക്ഷി മൃഗാദികൾക്കായി അവയോടുള്ള കരുതലിന്റെ ഭാഗമായി വീടിന് ചുറ്റുമൊക്കെ വെള്ളം നമ്മൾ ശേഖരിച്ച് വെക്കാറുണ്ട്. എന്നാൽ സാധാരണ സമയത്തെ വെയിൽ പോലും ഏൽക്കാൻ കഴിയാത്ത ഒരു വിഭാഗം ആൾക്കാരുണ്ട് നമുക്ക് ചുറ്റും. കടുത്ത വേനലിൽ നന്നായി ശ്രദ്ധയും പരിചരണവും ഉറപ്പാക്കേണ്ട ആൽബിനിസം ബാധിതർ.

നമ്മുടെ ശരീരത്തിലെ കണ്ണ്, മുടി, ത്വക്ക് എന്നിവയ്ക്ക് സ്വാഭാവിക നിറം നൽകുന്ന മെലാനിന്റെ കുറവു മൂലമുണ്ടാകുന്ന ശാരീരിക അവസ്ഥയാണ് ആൽബിനിസം. ശരീരവും മുടിയും മുഴുവനായി വെളുത്തും കണ്ണ്‌ ബ്രൗണോ നീലയോ തവിട്ട് നിറത്തിലോ ആകുന്ന അവസ്ഥയെയാണ് ആൽബിനിസം എന്ന് പറയുന്നത്. ഈ അവസ്ഥക്ക് വിധേയമായവരെ ആൽബിനോകൾ എന്നുവിളിക്കുന്നു. ഇവർക്ക് മറ്റുള്ള സാധാരണ മനുഷ്യരെപ്പോലെ എല്ലാ കാര്യങ്ങളും ചെയ്യാൻ സാധിക്കുമെങ്കിലും സൂര്യപ്രകാശം അധികമായി ഏൽക്കുന്നതും ചിലർക്ക് സൂര്യവെളിച്ചത്തിൽ നോക്കുന്നതുപോലും പ്രയാസമുണ്ടാകാറുണ്ട്. ആവശ്യമായ സുരക്ഷാമാർ​ഗങ്ങൾ സ്വീകരിക്കാതെ സൂര്യപ്രകാശം ഏറ്റുകഴിഞ്ഞാൻ സൂര്യാഘാതമോ സ്കിൻ ക്യാൻസറുകളോ പോലും വരാൻ സാധ്യതയുണ്ട്. ലക്ഷകണക്കിനാളുകളിൽ ഒരാൾക്ക് വരുന്ന അവസ്ഥയാണിത്. മാനസികമായുള്ള ആഘാതങ്ങളെക്കാൾ പലപ്പോഴും ശാരീരികമായി നേരിടേണ്ടിവരുന്ന അവഗണനകളാണ് കൂടുതലെന്നതാണ് വാസ്തവം. ഈ വ്യത്യസ്തതകൊണ്ട് തന്നെ ഇവർ പലപ്പോഴും മാറ്റി നിർത്തപ്പെടുകയാണ് ചെയ്യുന്നത്. എന്നാൽ ഇത്തരം അകറ്റി നിർത്തലുകൾക്കപ്പുറത്ത് വേനൽക്കാലത്ത് ഇവർ അനുഭവിക്കേണ്ടി വരുന്നത് വലിയ ശാരീരിക ബുദ്ധിമുട്ടുകളാണ്. ആരോഗ്യരംഗത്ത് മുന്നിൽ നിൽക്കുന്ന കേരളത്തിൽ ആൽബിനിസം ബാധിതരെക്കുറിച്ച് പ്രത്യേകം മാസ്റ്റർ പ്ലാനുകളില്ല. സംസ്ഥാനത്ത് ആൽബിനിസം ബാധിതർ എത്ര പേരുണ്ടെന്നോ എന്തൊക്കെയാണ് അവരുടെ ആരോഗ്യ പ്രശ്നങ്ങളെന്നോ അറിയില്ല.

Content Highlights: how does albinism affect quality of life in summer season

Continue reading