എന്തെങ്കിലും മരുന്നു തന്ന് കൊല്ലാമോ എന്നു ചോദിച്ച ആ അമ്മയെ മറക്കാനാവില്ല | Doctor's Diary

പാലിയേറ്റീവ് കെയർ വീട് സന്ദർശനത്തിന്റെ ഭാ​ഗമായാണ് അവിടെ പോയത്. വീട്ടിൽ കയറിച്ചെന്നപ്പോൾ തന്നെ പ്രായമായ വയ്യാത്ത ഒരാൾ കസേരയിൽ ഇരിപ്പുണ്ട്. വൃത്തിയാക്കാൻ സമയമില്ലാത്തതു കൊണ്ടായിരിക്കണം അവിടെയും ഇവിടെയും ചിതറിവീണ പേപ്പറുകളും അവശിഷ്ടങ്ങളും കാണാമായിരുന്നു. അകത്തേക്കു കയറിയപ്പോൾ ഒരു സ്ത്രീ ഭക്ഷണമേശയിൽ വയ്ക്കുന്നതിന്റെ തിരക്കിലായിരുന്നു. അവരുടെ മുഖത്ത് ആകെ മൊത്തം ഒരു വെപ്രാളം പ്രകടമായിരുന്നു. അല്ലെങ്കിലും ഗൃഹസന്ദർശനത്തിനു പോകുമ്പോൾ അവിടെയുള്ള ബന്ധുക്കളുടെ വെപ്രാളം ഒരു പതിവുകാഴ്ചയാണ്. രോഗിയായ, അവരുടെ ചേച്ചി തൊട്ടപ്പുറത്ത് കട്ടിലിൽ ഇരിക്കുന്നുണ്ടായിരുന്നു.

അമ്മയുടെ സുഖവിവരങ്ങൾ അന്വേഷിക്കുന്നതിനു മുൻപേ തന്നെ അവർ ഇങ്ങോട്ട് വിവരങ്ങൾ ചോദിച്ചു തുടങ്ങിയിരുന്നു. ഒരുപക്ഷേ സങ്കടം മറച്ചുവെക്കാനായിരിക്കണം അങ്ങനെയുള്ള ഒരു  സംഭാഷണം. പക്ഷേ ഒന്ന് തോളത്തുതട്ടിയപ്പോഴേക്കും ആ അമ്മ സങ്കടക്കടൽ ഇറക്കിവച്ചു ഞങ്ങളെനോക്കി പൊട്ടിക്കരഞ്ഞു..

Content Highlights: column on how palliative care works