പട്ടിണികിടന്നും ബങ്കറിലുറങ്ങിയും പാചകപ്പുരയിലേക്ക്; അമ്മയുടെ അപമാനഭാരത്തിൽ നിന്നും മകൻ ഷെഫായ കഥ

കാശില്ലാത്തവര്‍ മക്കളെ കൂലിപ്പണിയ്ക്ക് വല്ലതും വിടണം, നിങ്ങള്‍ക്കൊക്കെ ആരാണ് ലോണ്‍ തരുന്നത്. കൊക്കിലൊതുങ്ങുന്നതേ കൊത്താവൂ...  ബാങ്ക് മാനേജരുടെ അലര്‍ച്ചയിലും പരിഹാസച്ചൂടിലും ഇന്ദിര എന്ന അമ്മ ഉരുകിപ്പോയി. കരഞ്ഞു കൊണ്ട് മകന്റെ കൈപിടിച്ച് ബാങ്കിന്റെ പടികളിറങ്ങുമ്പോള്‍ അവരൊരു കാര്യം മനസിലുറപ്പിച്ചു. കരച്ചിലടക്കിപ്പിടിച്ച് 17-കാരനായ മകനെ ചേര്‍ത്തുപിടിച്ചുകൊണ്ട് അവർ പറഞ്ഞു: 'എനിക്കിനി ജീവനുണ്ടേല്‍ നിന്നെ കൂലിപ്പണിയ്ക്ക് വിടില്ല.' അതൊരു വെറുംവാക്കായിരുന്നില്ല. സെലിബ്രിറ്റി ഷെഫായ സിജോ ചന്ദ്രൻ എന്ന ആ മകൻ ഇന്ന്  അമ്മയുടെ മാത്രമല്ല, നാടിന്റെ തന്നെ അഭിമാനമാണ്. യങ് ഷെഫ് ഓഫ് ദി ഇയര്‍ ഇന്ത്യ 2023 വിജയിയും ഷെഫ് സുരേഷ് പിള്ള സ്ഥാപിച്ച ആർ.സി.പി. ഹോസ്പിറ്റാലിറ്റിയുടെ കളിനറി  ഡയറക്ടറുമാണ് ഇന്ന് സിജോ ചന്ദ്രൻ. അമ്മയ്ക്കൊപ്പം അപമാനഭാരം കൊണ്ട് തല കുനിച്ച് ബാങ്കിന്റെ പടിയിറങ്ങിയതു മുതൽ പട്ടിണിയും കഷ്ടപ്പാടും താണ്ടി ഇന്നത്തെ സെലിബ്രിറ്റി സ്റ്റാറ്റസ് വരെയുള്ള സിജോ ചന്ദ്രന്റെയും മകനുവേണ്ടി ചെരിപ്പുപോലുമിടാതെ നാടലഞ്ഞ വീട്ടുജോലിക്കാരിയായ ആ അമ്മയുടെയും ജീവിതം ഒരു സിനിമാക്കഥ പോലെ സംഭവബഹുലമാണ്.

മാറിയിടാന്‍ ഉടുപ്പില്ലാത്ത ബുധനാഴ്ചപ്പേടികള്‍

Content Highlights: chef sijo chandran,s life story