വെള്ളെലിയുടെ ജന്മാവകാശവും പരീക്ഷണങ്ങളുടെ ധാർമ്മിക പ്രശ്നവും | Biotalks
ശാസ്ത്രീയ ഗവേഷണത്തിൽ അടിസ്ഥാന ധാർമ്മിക തത്വങ്ങൾ എങ്ങിനെ പ്രയോഗിക്കുമെന്ന സമസ്യയാണ് ഗവേഷണ നൈതികത (research ethics) കൈകാര്യം ചെയ്യുന്നത്. ശാസ്ത്രത്തിന്റെ പൊതുവായ ധാർമ്മിക പ്രശ്നങ്ങളിൽ പരീക്ഷണ വസ്തുക്കളായി മനുഷ്യരും മൃഗങ്ങളും ഉൾപ്പെടുമ്പോഴുള്ള പ്രശ്നങ്ങളും, ഗവേഷണത്തിന്റെ രൂപകല്പനയും നടപ്പാക്കുന്ന രീതിയും വ്യാഖ്യാനവും ഉൾപ്പെടുന്നു. വഞ്ചന, കോപ്പിയടി, അനുചിതമായ സമ്പ്രദായങ്ങൾ തുടങ്ങിയ ദുരാചാരങ്ങളും ഇതിൽ വരും.
ഗവേഷണത്തിന്റെ സമീപകാല ചരിത്രം തിരയുകയാണെങ്കില്, ധാര്മ്മികത കാറ്റില് പറത്തിയ അവകാശ ലംഘനങ്ങളുടെ നിരവധി ഉദാഹരണങ്ങള് കണ്ടെത്താനാകും. എഡ്വേര്ഡ് ജെന്നര് വസൂരിക്ക് വാക്സിന് വികസിപ്പിച്ചതാണ് അറിയപ്പെടുന്ന ഒന്ന്. 1796-ല്, എഡ്വേര്ഡ് ജെന്നര് എട്ട് വയസ്സുള്ള ജെയിംസ് ഫിപ്പ്സ് എന്ന കുട്ടിയെ കടംവാങ്ങി അവനെ കൗപോക്സ് എന്ന അസുഖം ബാധിക്കാന് വിട്ടു. കൗപോക്സ് താരതമ്യേന നിരുപദ്രവകരമായ ഒരു രോഗമാണ്, എന്നാല് കുട്ടി കൗപോക്സില് നിന്ന് സുഖം പ്രാപിച്ചപ്പോള്, അക്കാലത്തെ ഭയാനക രോഗമായ വസൂരി പിടിക്കുന്നതിന് അനുവദിച്ചു. ഭാഗ്യവശാല്, കുട്ടി സുഖം പ്രാപിച്ചു, ഈ സംഭവം വസൂരി തടയുന്നതിനുള്ള ഉറപ്പായ മാര്ഗമായി വാക്സിനേഷന് സ്വീകരിക്കുന്നതിന് വഴിയൊരുക്കി.
Content Highlights: is research in animals really linked to medical ethics, biotalks column