കോണ്‍ഗ്രസിന്റെ ഉയിർപ്പോ കെ.സി.ആറിന്റെ അസ്തമയമോ? തെലങ്കാന കാത്തുവയ്ക്കുന്നത് എന്ത്?

ഹിന്ദി ഹൃദയഭൂമിക്കും വടക്കുകിഴക്കിനുമൊപ്പം തെലങ്കാനയിലും തിരഞ്ഞെടുപ്പ് കളം ചൂട് പിടിച്ചിരിക്കുകയാണ്. ഭരണം നിലനിർത്താൻ ബി.ആർ.എസ്സും സംസ്ഥാനം രൂപവത്കരിച്ച് ജനങ്ങളുടെ ആവശ്യം നിറവേറ്റിയിട്ടും 10 വര്‍ഷം പ്രതിപക്ഷത്തായ കോണ്‍ഗ്രസ് ഭരണം പിടിക്കാനും കിണഞ്ഞു പരിശ്രമിക്കുകയാണ്. അത്ര എളുപ്പമായിരിക്കില്ല കെ.സി.ആറിന് ഇക്കുറി കാര്യങ്ങളെന്നാണ് പൊതുവെയുള്ള വിലയിരുത്തൽ. അതേസമയം, രേവന്ത് റെഡ്ഡിയുടെ നേതൃത്വത്തിൽ തിരിച്ചുവരവിന്റെ പാതയിലുള്ള കോൺഗ്രസിന് ഭരണത്തിലെത്താനുള്ള സ്വീകാര്യത ആയോ എന്നതും ചോദ്യചിഹ്നമാണ്. ലയനസാധ്യതകൾ തള്ളി വൈ.എസ് ശർമിളയുടെ തെലങ്കാന പാർട്ടി സ്വന്തം നിലയിൽ മത്സരിക്കാനൊരുങ്ങിയതും കോൺഗ്രസിന് തിരിച്ചടിയാണ്. മോദിയേയും അമിത് ഷായെയുമടക്കം കളത്തിലിറക്കി ബി.ജെ.പിയും അരയും തലയും മുറുക്കി കളംപിടിക്കാന്‍ നോക്കുന്നു.

119 നിയമസഭാ സീറ്റുകളിലേയ്ക്ക് നവംബർ മുപ്പതിനാണ് വോട്ടെടുപ്പ്. 3.17 കോടി വോട്ടർമാരാണ് സമ്മതിദാനാവകാശം വിനിയോഗിക്കുക.

Content Highlights: telangana assembly election analysis