കമൽനാഥിന് ലാസ്റ്റ് ബസ്; ബിജെപിക്ക് പേടി ഭരണവിരുദ്ധവികാരം: മധ്യപ്രദേശിൽ അടിയൊഴുക്ക്‌

ദശ്മൻ റാവത്ത് എന്ന ആദിവാസി യുവാവിനെ ഓർമ്മയുണ്ടോ? പ്രദീപ് ശുക്ലയെന്ന ബിജെപി നേതാവ്  ശരീരത്തിൽ മൂത്രമൊഴിച്ച് അപമാനിച്ച മനുഷ്യൻ. പാർട്ടി ഏറെ പഴികേട്ട ആ സംഭവത്തിന് യുവാവിനെ ഔദ്യോഗിക വസതിയിലേക്ക് വിളിച്ചുവരുത്തി കാൽ കഴുകിയാണ് മുഖ്യമന്ത്രി ശിവരാജ് സിങ് ചൗഹാൻ മാപ്പുപറഞ്ഞത്. അടിമുടി ജാതീയതയിൽ കുളിച്ച സമൂഹത്തിനോ ചൗഹാന് തന്നെയോ, ആ നടപടി ദഹിക്കണമെന്നില്ല. പക്ഷേ, അഞ്ച് മാസത്തിനപ്പുറം തന്നെ കാത്ത് നിൽക്കുന്ന തിരഞ്ഞെടുപ്പിൽ ദശ്മൻ റാവത്ത് അടക്കമുള്ള ഗോത്രസമൂഹത്തിന്റെ 21 ശതമാനം വോട്ടും നിർണായകമാണെന്ന് അയാൾക്കറിയാം, ബിജെപിക്കും. രാഷ്ട്രീയത്തിൽ സ്ഥായിയായ ശത്രുക്കളില്ലല്ലോ, മിത്രങ്ങളും! അടിമുടി ജാതി മണക്കുന്ന മധ്യപ്രദേശിലെ രാഷ്ട്രീയകഥകൾക്കും അതേ ജാതിച്ചൂരാണ്. 54 ശതമാനത്തിലധികം വരുന്ന ഒബിസി വോട്ടുകൾ തന്നെയാണ് ഇത്തവണയും എല്ലാവരും ഉന്നം വെയ്ക്കുന്നത്. ജാതി സെൻസസ് നടപ്പാക്കുമെന്ന രാഹുൽ ഗാന്ധിയുടെ പ്രഖ്യാപനവും, ഒബിസി വിഭാഗക്കാർക്കുള്ള 27 ശതമാനം സംവരണവും കാൽകഴുകൽ നാടകവുമെല്ലാം ഇതോടൊപ്പം ചേർത്ത് വായിക്കേണ്ടി വരും. 

Content Highlights: Shivraj Singh Chouhan, Kamal nath, BJP, Congress, Madhya Pradesh Election, MP Election