എൻ.സി.ഇ.ആർ.ടി RIE CEE 2026 ഫലം പ്രസിദ്ധീകരിച്ചു; കൗൺസിലിങ് ഉടൻ ആരംഭിക്കും
എൻ.സി.ഇ.ആർ.ടി നടത്തുന്ന റീജിയണൽ ഇൻസ്റ്റിറ്റ്യൂട്ട് ഓഫ് എഡ്യൂക്കേഷൻ കോമൺ എൻട്രൻസ് എക്സാമിനേഷൻ ഫലം ഔദ്യോഗികമായി പ്രസിദ്ധീകരിച്ചു. ഔദ്യോഗിക വെബ്സൈറ്റായ cee.ncert.gov.in വഴി റാങ്ക് കാർഡുകൾ പരിശോധിക്കാനും ഡൗൺലോഡ് ചെയ്യാനും സാധിക്കും.
ആപ്ലിക്കേഷൻ നമ്പറും (അല്ലെങ്കിൽ യൂസർ ഐഡി) പാസ്വേഡും ഉപയോഗിച്ച് ലോഗിൻ ചെയ്ത് റാങ്ക് കാർഡ് വിവരങ്ങൾ മനസ്സിലാക്കാവുന്നതാണ്. മാർക്ക്, വിഷയാധിഷ്ഠിത സ്കോറുകൾ, റാങ്ക്, യോഗ്യതാ സ്റ്റാറ്റസ് എന്നിവ റാങ്ക് കാർഡിൽ ലഭ്യമാണ്.
അജ്മീർ, ഭോപ്പാൽ, ഭുവനേശ്വർ, മൈസൂർ, ഷില്ലോങ് എന്നിവിടങ്ങളിലെ റീജിയണൽ ഇൻസ്റ്റിറ്റ്യൂട്ടുകളിൽ B.Sc. B.Ed., B.A. B.Ed., M.Sc. Ed., B.Ed., M.Ed. തുടങ്ങിയ അധ്യാപക പരിശീലന കോഴ്സുകളിലേക്കുള്ള പ്രവേശനത്തിനായാണ് പരീക്ഷ നടത്തിയത്.
ഫലപ്രഖ്യാപനത്തിന് പിന്നാലെ കൗൺസിലിങ് പ്രക്രിയ ഉടൻ ആരംഭിക്കും. വിദ്യാർഥികളുടെ മെറിറ്റ്, ഇൻസ്റ്റിറ്റ്യൂട്ട് മുൻഗണനകൾ, ഒഴിവുള്ള സീറ്റുകൾ എന്നിവയുടെ അടിസ്ഥാനത്തിലായിരിക്കും സീറ്റ് അലോട്ട്മെന്റ്. കൗൺസിലിങ്ങിനും സർട്ടിഫിക്കറ്റ് പരിശോധനയ്ക്കുമായി വിദ്യാർത്ഥികൾ റാങ്ക് കാർഡും മറ്റ് ആവശ്യമായ രേഖകളും തയ്യാറാക്കി വെക്കേണ്ടതാണ്.
റാങ്ക് കാർഡ് ഡൗൺലോഡ് ചെയ്യുന്നത് എങ്ങനെ?
cee.ncert.gov.in എന്ന ഔദ്യോഗിക വെബ്സൈറ്റ് സന്ദർശിക്കുക.
'RIE CEE 2026 Result/Rank Card' എന്ന ലിങ്കിൽ ക്ലിക്ക് ചെയ്യുക.
ആപ്ലിക്കേഷൻ നമ്പറും പാസ്വേഡും നൽകുക.
'Submit' ബട്ടൺ ക്ലിക്ക് ചെയ്യുക.
സ്ക്രീനിൽ തെളിയുന്ന റാങ്ക് കാർഡ് ഡൗൺലോഡ് ചെയ്ത് പ്രിന്റ് എടുത്ത് സൂക്ഷിക്കുക.
കൗൺസിലിങ് ഷെഡ്യൂളും മറ്റ് പ്രവേശന വിവരങ്ങളും അറിയാൻ ഉദ്യോഗാർത്ഥികൾ ഔദ്യോഗിക വെബ്സൈറ്റ് പതിവായി സന്ദർശിക്കേണ്ടതാണ്.
Content Highlights: The National Council of Educational Research and Training (NCERT) has officially declared the RIE CEE 2026 results, allowing candidates to download their rank cards from cee.ncert.gov.in ahead of the upcoming counselling process.