എന്ജിനീയറിങ്ങിന് അപ്പുറത്ത് ചിലതുണ്ട്, എന്ജിനീയറിങ് ആഗ്രഹിക്കുന്ന വിദ്യാര്ഥികള് അറിയാൻ
അത്യന്തം ആവേശകരമായ ലോകം നിർമ്മിച്ചെടുക്കുന്നതിൽ സങ്കേതികവിദ്യയുടെ പങ്ക് വിസ്മയകരമാണ്. സ്വപ്നം കാണുന്നതിനും അപ്പുറമുള്ള കാര്യങ്ങൾ മൂന്നോ നാലോ വർഷങ്ങൾക്കുള്ളിൽ കൺമുന്നിൽ നടക്കുന്ന സാഹചര്യം. നമുക്ക് ചില ഉദാഹരണങ്ങൾ നോക്കാം. ആരോഗ്യം, വിദ്യാഭ്യാസം, വിനോദം, ഗതാഗതം, സാമ്പത്തികം എന്നീ മേഖലകളിൽ AI ഒരു നിശബ്ദ വിപ്ലവം തന്നെയാണ് സൃഷ്ടിക്കുന്നത്. ഡാറ്റയുടെ (Data, വിവരങ്ങൾ ) ലോകത്ത് വലിയ പരിവർത്തനങ്ങൾ നടപ്പിൽ വരുത്തിക്കൊണ്ടിരിക്കുന്ന ക്ലൗഡ് കമ്പ്യൂട്ടിങ് (Cloud Computing). വീടും നാടും വ്യവസായശാലകളും തുടങ്ങി സകലതിനെയും സ്മാർട്ടാക്കാൻ വിരൽത്തുമ്പിൽ വിസ്മയം തീർത്തുകൊണ്ട് ഇൻ്റർനെറ്റ് ഓഫ് തിങ്സ്, മനസ്സിൽ രൂപപ്പെടുന്ന ആശയത്തെ എളുപ്പത്തിൽ ഒരു ഉൽപന്നമായി മാറ്റിയെടുക്കാൻ സഹായിക്കുന്ന 3D പ്രിൻ്റിംഗ്, ഗെയിമിംഗ്, വിനോദം, വിദ്യാഭ്യാസം എന്നീ മേഖലകളിൽ അരങ്ങ് തകർക്കുന്ന വിർച്വൽ റിയാലിറ്റി (AR, VR), നമ്മുടെ കയ്യിലിരിക്കുന്ന മൊബൈൽ ഫോണിൽ 3G മാറി 4G ആയപ്പോഴും ഇപ്പോൾ 5G ഉപയോഗിക്കുമ്പോഴും ഇനി 6G കാലം അധികം വൈകാതെ എത്തുമെന്ന് മനസ്സിലാക്കുമ്പോഴും കണക്റ്റിവിറ്റിയുടെ ലോകം എത്ര വേഗമേറിയതാണെന്ന് ഊഹിക്കാം. ഇങ്ങനെ ഇരുപത്തൊന്നാം നൂറ്റാണ്ടിനേ മാറ്റിമറിച്ചുകൊണ്ടിരിക്കുന്ന എത്രയെത്ര ഉദാഹരണങ്ങൾ. ഡ്രോൺ, ക്രിപ്ടോകറൻസി, ബയോ ടെക്നോളജി, റോബോട്ടിക്സ്, നാനോ ടെക്നോളജി, ക്വാണ്ടം കമ്പ്യൂട്ടിങ്, ബ്ലോക്ക് ചെയിൻ തുടങ്ങി ലിസ്റ്റുകൾ അങ്ങനെ നീളുന്നു.
ഇവയെ എല്ലാം നമ്മൾ ടെക്നോളജി എന്നാണ് വിളിക്കുക. ബന്ധപ്പെട്ട വിദ്യാഭ്യാസ മേഖലയെ സങ്കേതിക വിദ്യാഭ്യാസ മേഖല എന്ന് വിളിക്കാറുണ്ട്. അതേസമയം സ്ഥാപനങ്ങളെ നമ്മൾ എൻജിനീയറിങ് കോളജ് എന്നും വിളിക്കാറുണ്ട്. അതുകൊണ്ട് തന്നെ എന്താണ് ശാസ്ത്രം, എൻജിനീയറിങ്, ടെക്നോളജി ഇവ തമ്മിൽ തമ്മിലുള്ള വ്യത്യാസം എന്നൊന്ന് നമുക്ക് പരിശോധിച്ചുകൊണ്ട് നമുക്ക് പതിയെ വിഷയത്തിലേക്ക് വരാം.
Content Highlights: Emerging technology