സ്റ്റാർട്ട് ആക്ഷൻ കട്ടിന് ഇനി പുണെയ്ക്ക് വണ്ടികയറേണ്ട, സർവസജ്ജമാണ് കെ.ആർ. നാരായണൻ ഇൻസ്റ്റിറ്റ്യൂട്ട്

സിനിമാ പഠനം. അതും അന്താരാഷ്ട്ര നിലവാരത്തില്‍ സിനിമയുടെ എല്ലാ തലങ്ങളിലും ആഴത്തിലൂടെ സ്പര്‍ശിച്ച് പോകുന്ന ഒന്ന്. അതാണ് കെ.ആര്‍ നാരായണന്‍ നാഷണല്‍ ഇന്‍സ്റ്റിറ്റ്യൂട്ട് ഓഫ് വിഷ്വല്‍ സയന്‍സ് ആന്‍ഡ് ആര്‍ട്ട്‌സ് ലക്ഷ്യംവെയ്ക്കുന്നത്. അന്തരിച്ച മുന്‍ ഇന്ത്യന്‍ രാഷ്ട്രപതി കെ.ആര്‍ നാരായണന്റെ പേരിലുളള സ്ഥാപനം സിനിമയുടെ വ്യത്യസ്ത തലങ്ങളിലേക്കാണ് ജാലകം തുറക്കുന്നത്. പ്രശസ്ത സംവിധായകന്‍ സയീദ അക്തര്‍ മിര്‍സയാണ് ഇന്‍സ്റ്റിറ്റ്യൂട്ടിന്റെ ചെയര്‍മാന്‍. ജിജോയ് പി.ആര്‍ ആണ് ഇന്‍സ്റ്റിറ്റ്യൂട്ട് ഡയറക്ടര്‍.

തിരക്കഥാ രചനയ്ക്കടക്കം ഇവിടെ വകുപ്പുകളുണ്ട്. അവാര്‍ഡ് ജേതാക്കളടക്കം ഇവിടെ അധ്യാപകരായി എത്തുന്നു. ഗസ്റ്റ് ഫാക്കല്‍റ്റിയായി വി.കെ പ്രകാശ്, അളകപ്പന്‍, മുരളി മേനോന്‍, അജിത് എ ജോര്‍ജ്, അരവിന്ദന്‍ ജി.പി എന്നിവരുമെത്തുന്നു. ജനുവരി 11 2016-നാണ് ഇന്ത്യയുടെ മുന്‍ വൈസ് പ്രസിഡന്റായിരുന്ന ഹമീദ് അന്‍സാരി ആണ് ഇന്‍സ്റ്റിറ്റ്യൂട്ട് ഉദ്ഘാടനം ചെയ്തത്. കോട്ടയം ജില്ലയിലാണ് ഇന്‍സ്റ്റിറ്റ്യൂട്ട് സ്ഥിതി ചെയ്യുന്നത്. വിവിധ വകുപ്പുകള്‍ പരിചയപ്പെടാം.

Content Highlights: know the campus on kr narayanan film institute