നടി ലൈലാ ഖാന്റെ തിരോധാനവും ദാരുണാന്ത്യവും; രാജ്യത്തെ പിടിച്ചുകുലുക്കിയ ഒരു കൊലപാതകക്കഥ

വര്‍ഷം 2011 ഫെബ്രുവരി മാസം, വ്യവസായിയായിരുന്ന നാദിര്‍ ഷാ പട്ടേല്‍ മുംബൈ പോലീസിനെ സമീപിച്ച് ഒരു പരാതി നല്‍കി. തന്റെ മക്കളെയും മുന്‍ഭാര്യയെ ഷെലീനയെയുംക്കുറിച്ചും ജനുവരി മാസം മുതല്‍ യാതൊരു വിവരവുമില്ല. മുന്‍ഭാര്യയുമായി അകല്‍ച്ചയിലാണെങ്കിലും മൂത്തമകള്‍ ലൈലാ ഖാനടക്കമുള്ള മക്കളുമായി നാദിര്‍ ഷാ പട്ടേല്‍ ഫോണില്‍ സംസാരിക്കുന്ന പതിവുണ്ട്. പക്ഷേ,  കഴിഞ്ഞ ഒരു മാസമായി മകളുമായി ബന്ധപ്പെടാനാകുന്നില്ല. ലൈല ബോളിവുഡില്‍ വളര്‍ന്ന് വരുന്ന അഭിനേത്രിയാണ്. പ്രശസ്തയാണ്. അതുകൊണ്ടു തന്നെ പോലീസിന് അപരിചിതയായിരുന്നില്ല. 

പരാതിയില്‍ നാദിര്‍ രണ്ടു പേരെ താന്‍ സംശയിക്കുന്നതായി സൂചിപ്പിച്ചിരുന്നു. സെലീനയുടെ രണ്ടാമത്തെ ഭര്‍ത്താവ് ആസിഫ് ശൈഖ്, നിലവിലെ ഭര്‍ത്താവ് പര്‍വേസ് തക്ക് എന്നിവരായിരുന്നു അവര്‍. മാത്രവുമല്ല അതേ സമയത്ത് തന്നെയാണ് നടി രാഖി സാവന്തും സഹോദരന്‍ രാകേഷ് സാവന്തും ലൈലയെ കാണാനില്ലെന്ന് പറഞ്ഞ് പരാതി നല്‍കിയത്. രാകേഷ് സാവന്ത് സംവിധാനം ചെയ്യുന്ന ജിന്നത്ത് എന്ന സിനിമയില്‍ രാഖിയ്‌ക്കൊപ്പം ലൈലയും വേഷമിടുന്നുണ്ട്. സിനിമയുടെ ചിത്രീകരണം പുരോഗമിക്കവെയാണ് ലൈലയെ കാണാതാകുന്നത്.

Content Highlights: laila khan, crime story, historical, high profile murder case, Indian Cinema, Laila khan life story