മാസങ്ങളോളം ഗ്രാമം മുഴുവൻ ചിരിയോടുചിരി, ആളുകളെ കൊലപ്പെടുത്തിയ ‘നൃത്തരോഗം’ | വിചിത്ര വൃത്താന്തങ്ങൾ

'ഫ്രണ്ട്സ്' എന്ന സിനിമയിൽ നടൻ ശ്രീനിവാസന്റെ നിർത്താതെയുള്ള ചിരി ഓർമയില്ലേ? ഒരാളിൽ നിന്ന് തുടങ്ങി ഘട്ടം ഘട്ടമായി മറ്റുള്ളവരിലേക്കും പടർന്ന് ശ്രീനിവാസനിൽ അവസാനിച്ച ചിരി. സിനിമയിൽ അതൊരു തമാശരംഗത്തിനു വേണ്ടിയുള്ള ചിരിയായിരുന്നു. എന്നാൽ ഒരു ഗ്രാമത്തിലെ ഭൂരിപക്ഷം ജനങ്ങളും മാസങ്ങളോളം ചിരിച്ചുകൊണ്ടിരിക്കുന്ന അവസ്ഥയൊന്ന് ആലോചിച്ചു നോക്കൂ. മറ്റൊരു ഗ്രാമത്തിലെ ജനം മുഴുവൻ നിർത്താതെ നൃത്തം ചെയ്തുകൊണ്ടിരിക്കുകയാണെങ്കിലോ...?

കേൾക്കുമ്പോൾ മുത്തശ്ശിക്കഥപോലെ തോന്നും. എന്നാൽ രണ്ടും കഥകളല്ല, സത്യമാണ്. ചിരിസംഭവം നടന്നത് 1962ൽ ആഫ്രിക്കൻ രാജ്യമായ ടാൻസാനിയയിലെ തങ്കൻയികയിലെ ബുകോബ ജില്ലയിലാണ്. ജനുവരി 30 ന് കഷാഷ വില്ലേജിലെ ഒരു ഗേൾസ് ബോർഡിങ് സ്‌കൂളിലെ മൂന്നു പെൺകുട്ടികളിലാണ് ആദ്യമായി ഈ പ്രശ്നം കണ്ടത്. മൂവരും ചിരിക്കാൻ തുടങ്ങിയാൽ മണിക്കൂറുകളോളം നിർത്താതെ ചിരിക്കുന്നു. വൈകാതെ ഈ 'ചിരിരോഗം' മറ്റു കുട്ടികളിലേക്കും പടർന്നു. 160 ഓളം കുട്ടികളുണ്ടായിരുന്ന സ്‌കൂളിൽ 95 പേർ ചിരിരോഗികളായി. ക്ലാസ് മുറികളിൽ കുട്ടികളിലധികവും ഇങ്ങനെ ചിരിച്ചുകൊണ്ടിരുന്നാൽ എങ്ങനെ ക്ലാസെടുക്കും. അനിയന്ത്രിതമായ ചിരിമാത്രമല്ല, ഒപ്പം കരച്ചിൽ, ക്ഷീണം, തലവേദന, ശ്വാസം മുട്ടൽ, ബോധക്ഷയം ഒക്കെ ഉണ്ടാവാൻ തുടങ്ങി. അവസാനം നിവൃത്തിയില്ലാതെ തൽക്കാലത്തേക്ക് സ്‌കൂൾ അടച്ചു.

Content Highlights: Explains the 1962 Tanganyika laughter epidemic as a form of mass psychogenic illness., Analyzes the 1518 Dancing Plague as a result of societal stress and collective belief., Details the role of mirror neurons and emotional contagion in group behavior., Highlights the importance of scientific research over superstition in addressing social crises.