മിനി കൂപ്പർ, പണം, അധികാരം | വഴിപോക്കൻ

2011 സെപ്റ്റംബർ 11 മുഹമ്മദ് അസ്ഹറുദ്ദിന് ഒരിക്കലും മറക്കാനാവില്ല. തെലങ്കാന മന്ത്രിയും മുൻ ക്രിക്കറ്റ് താരവുമായ അസ്ഹറുദ്ദിന്റെ ജീവിതം പൊടുന്നനെ തലകീഴായി മറിഞ്ഞ ദിവസം. അന്നേ ദിവസം പുലർച്ചെ അസ്ഹറുദ്ദിന്റെ 19 വയസ്സുള്ള ഇളയ മകൻ മുഹമ്മദ് അയസുദ്ദിൻ ബന്ധുവായ പതിനാറുകാരൻ അജ്മലുർ റഹ്‌മാനുമായി തന്റെ സൂപ്പർ ബൈക്കിൽ ഹൈദരാബാദിലെ ഔട്ടർ റിങ് റോഡിലേക്കിറങ്ങി. അതിവേഗ പാതയായ ഈ എക്സ്പ്രസ് ഹൈവേയിൽ ബൈക്കുകൾക്ക് കർശന നിരോധനമുണ്ടായിരുന്നു. 13 ലക്ഷം രൂപ വില വരുന്ന ആയിരം സിസിയുടെ സുസുക്കി ജിഎസ്എക്സ് ആർ 1000 കിടിലൻ ബൈക്ക് ഏതാനും ദിവസങ്ങൾക്ക് മുമ്പ് പെരുന്നാൾ ദിനത്തിലാണ് അസ്ഹറുദ്ദിൻ മകന് സമ്മാനിച്ചത്. സാധാരണ നിരത്തുകളിൽ ഓടിക്കാനല്ല, മറിച്ച് തീപാറുന്ന റെയ്സ് ട്രാക്കുകൾ ലക്ഷ്യമിട്ടാണ് സുസുക്കി ഈ ബൈക്ക് രൂപകൽപന ചെയ്തിരുന്നത്. പക്ഷേ, യൗവ്വനത്തിന്റെ തിളപ്പിൽ കുട്ടികൾ ഇത്തരം യാഥാർത്ഥ്യങ്ങൾ എളുപ്പത്തിൽ മറന്നുപോവും.

രണ്ട് യുവാക്കളുടെയും ബൈക്കിലുള്ള കുതിപ്പിന് നിമിഷങ്ങളുടെ ആയുസ്സേയുണ്ടായിരുന്നുള്ളു. 200 കിലോ മീറ്റർ വേഗത്തിലുള്ള പാച്ചിലിൽ നിയന്ത്രണം തെറ്റി റോഡിലെ ഡിവൈഡറിൽ ഇടിച്ച് രണ്ടു പേരും ബൈക്കിൽനിന്ന് തെറിച്ചു വീണു. അജ്മൽ അവിടെവെച്ചു തന്നെ മരിച്ചു. അയസുദ്ദിൻ ഹൈദരാബാദിലെ അപ്പോളൊ ആസ്പത്രിയിൽ അഞ്ചു നാൾ ബോധത്തിനും അബോധത്തിനുമിടയിലുള്ള നൂൽപാലത്തിലൂടെ സഞ്ചരിച്ച ശേഷം മരണത്തിന് കീഴടങ്ങി. അപകടം നടക്കുമ്പോൾ ലണ്ടനിലായിരുന്ന അസ്ഹറുദ്ദിൻ തിരിച്ചെത്തി അപ്പോളൊ ആസ്പത്രിയിലെ അതിതീവ്ര പരിചരണ മുറിക്ക് മുന്നിൽ അവസാനനിമിഷം വരെ പ്രത്യാശയോടെ കാത്തിരുന്നു. വളർന്നു വരുന്ന പ്രതിഭാശാലിയായ ക്രിക്കറ്ററായാണ് അയസുദ്ദിൻ വിലയിരുത്തപ്പെട്ടിരുന്നത്. പിതാവിന്റെ ബ്രില്ല്യൻസ് മകനിലുമുണ്ടെന്ന് ക്രിക്കറ്റ് ആസ്വാദകർ ചൂണ്ടിക്കാട്ടിയിരുന്നു.

Content Highlights: On September 11, 2011, former cricketer and Telangana minister Mohammad Azharuddin's life was upended when his 19-year-old son, Ayazuddin, died in a high-speed motorcycle accident, prompting the family to form the "Youth Against Speed" initiative to raise awareness about the dangers of speeding. The tragic incident highlighted the risks associated with gifting high-speed vehicles to young individuals, as Ayazuddin's accident was attributed to the thrill of speed rather than alcohol, contrasting with another fatal accident involving a Mini Cooper driven by an intoxicated 19-year-old. The article critiques societal norms and parental responsibilities, emphasizing the need for parents to reconsider giving expensive gifts to children without merit and the broader implications of societal influences that glorify violence and speed, urging for a shift towards nurturing more responsible and humane values in youth.